تداول رواد موقع التواصل الاجتماعى "فيس بوك" فيديو لعامل نظافة يعمل بمحطة مترو المعادى، يقوم بترتيل القرآن بصوت مميز خلال عمله.
الفيديو قامت بتصويره فتاة تدعى بسنت ماهر وعلقت عليه قائلة: "مجهولون فى الأرض مشهورون فى السماء، الشخصية الجميلة دى عامل نظافة فى محطة مترو المعادى سمعت صوته كذا مرّة فى المحطّة بس ما كنتش أعرف إن هو لحد ما يوم فضلت أدوّر الصوت دا جاى منين، عرفت منه أنه نفسه يحفظ القرآن لأنه بيرتّل قرآن بس التشكيل والتجويد فيهم شويه تعديلات".
واستطردت بسنت قائلة: "الأهم بقى من كل دا إنّى لما طلبت أصوّره وافق بس قالى صورينى وأنا بشتغل لأن دا شغلى وما أقدرش اسيبه، نموذج مشرّف فعلاً على الضمير والرض، يا ريت لو أى حد يقدر يساعده هو موجود على طول فى محطة المعادى واللى مش هيقدر يا ريت يعمل شير يمكن حد غيرك يقدر يساعده، ناس تستحق الشهرة فعلاً".
ولاقى الفيديو أعجاب العديد من رواد موقع التواصل "فيس بوك" والذين أبدوا إعجابهم الشديد بصوت عامل النظافة حيث كتبت أميرة إمام: "فعلا بشوفه على طول وأنا رايحة شغلى الصبح، صوته جميل ما شاء الله ربنا يباركله".
وقال مغرد آخر يدعى محمود زيكو: "صوت قوى يستحق التعليم سمعته ولم يتسع الوقت للتحدث معه، جزالك الله خيرا وفى المعادى دار لتحفيظ القرآن بجوار المترو ممكن يسأل فيها".
تم أضافة تعليقك سوف يظهر بعد المراجعة