صداقه
تسلمى يا شدة بينتى رجالة
كام راجل أهو سابنى
وكام إيد أهى مادة
ظهرتى فى رجولة
وباعونى بسهولة
واللى كلام وخلاص
وبيحكى فى بطولة
تسلمى يا شدة
كشفتى معدن ناس
وعرفت إيه إخلاص
وياما إيدين تنباس
وناس كتير تنداس
عايشاها كده وخلاص
منظر ومتعدة
تسلمى يا شدة
رجولة بس كلام
حقد كمان وملام
ولا كلمة تبل الريق
ولا تفرح فى وقت الضيق
وتأخر فى كل طريق
ولا تطلع بيها لأودام
تسلمى يا شدة
تابعوا آخر أخبار اليوم السابع عبر Google News
اشترك في قناة اليوم السابع على واتساب
فيسبوك
واتساب
