كارثة جديدة تطل برأسها من مدرسة النبوى المهندس فى سوهاج، بعد اعتداء مدير المدرسة على طالب بالصف الثانى الإعدادى بالضرب والركل والعصا، ما أدى إلى إصابة الطالب بكدمات فى الخصيتين، والكتف الأيسر، وسقط على الأرض مغشيا عليه دون رحمة من المدير، وعندما حاول الطالب الدفاع عن نفسه عن سبب ضربه بدون سبب رد عليه المدير "هضربك افترا يا روح أمك".
ولم يكتف مدير المدرسة بذلك وخاصة بعد سقوط الطالب وسط صرخاته المتتالية وتعرضه بعدها للإغماء، بل حاول ضربه بالعصا لولا تدخل المعلمين بالمدرسة والطلاب وإنقاذه منه، والتوجه به فورًا إلى مستشفى سوهاج لتوقيع الكشف الطبى عليه، فى الوقت الذى حرر فيه والده محضر ضد مدير المدرسة فى قسم ثانى سوهاج.
وانتقل "اليوم السابع" إلى منزل الطالب وأسرته ليروى تفاصيل واقعة الاعتداء عليه، وقال معاذ 14 سنة: "أنا شفت الموت بعينى لما ضربنى المدير ووقعت على الأرض وأغمى على ولم أشعر بنفسى إلا لما رحت المستشفى للكشف على".
وقال الطالب: "كنت فى حصة العلوم وطلبت قلم من زميلى فشاهدتنى المعلمة وأخرجتنى على السبورة لمعاقبتى، وأثناء ذلك كان مدير المدرسة يمر من أمام الفصول، وعندما شاهدنى تعدى علىَّ بالركل والضرب فى الخصيتين، وصفعنى على وجهى، فصرخت من شدة الألم وسقطت على الأرض مغشيا على، وحملنى زملائى فى الفصل والمعلمين إلى طبيب المدرسة ولم نجده، وأثناء ذلك حاول المدير التعدى بالضرب على مرة أخرى إلا أن المعلمين منعوه".
وأضاف معاذ قائلاً: "أنا مش هروح المدرسة تانى، حصلت لى عقدة نفسية وكرهت التعليم، فأنا لم أفعل شيئا حتى يضربنى مدير المدرسة بهذه الوحشية، وأطالب بحقى قانونا".
فيما أوضح والد الطالب: "عايز حق ابنى يرجع لى بالقانون، فهو الآن يتناول العلاج فى المنزل ولا يذهب إلى المدرسة، وحدثت له عقدة نفسية مما حدث، وقد تقدمت ببلاغ فى قسم ثانى سوهاج ضد مدير المدرسة، وشكاوى إلى محافظ سوهاج، وهيئة النيابة الإدارية، ومديرية التربية والتعليم.. ابنى يعانى من الألم النفسى والجسدى جراء ما حدث، وحاول مدير المدرسة الصلح معنا ولكنا رفضنا كل المحاولات، وننتظر عودة الحق لابنى".
فيما قالت والدة الطالب معاذ: "حسبى الله ونعم الوكيل، ومش هسيب حق ابنى يضيع، كفاية إنه شاف الموت بعنيه".
الطالب يرقد على السرير
الطالب يتناول العلاج
شكوى مقدمة لوكيل وزارة التربية والتعليم
شكوى مقدمة للنيابة الإدارية
شكوى لمحافظ سوهاج
عدد الردود 0
بواسطة:
كريم
ما هذه البدانة أيها المراسل؟!!!
إعملوا كشف هيئة للمراسلين قبل تعيينهم!
عدد الردود 0
بواسطة:
maher
لقد هرمنا
يا جماعه انا متابع كويس للموقع وبحب اقرأ الاخبار ديما عندكم اعجبنى اوى الموقع بس يا جماعه المراسل إللى كتب الموضوع ده اوفر اوى يا جماعه ميستحقش الموضوع دا كله والقصه الكبيره دى وتأنى حاجه الولد ماشالله عليه .....ماشى ف غلط بس مش للدرجه دى الموضوع والمساحة دى كلها ......سؤال هو المراسل ده معرفش طريق بيت الشهداء إللى ف سوهاج إللى بيمووتوا كل يوم من الجيش والشرطة ما يتكلم ع العادات والتقاليد ما يتكلم ع المخدرات إللى عينى عينك كل موضوع ف دول عاوز مية تحقيق .......لقد هرمنا
عدد الردود 0
بواسطة:
مجدى
قلة أدب و بلطجة
الرفد من الوظيفة ولا يصح ان يكون معلم
عدد الردود 0
بواسطة:
hany
يجب معالجةالكثير من المعلمين في مصر
عند طبيب نفساني
عدد الردود 0
بواسطة:
عاطف البدوى
غباء مدرس
اصبحت لدينا رغبة شديدة ان نضع ايدينا فوق اعيننا وفوق اذاننا من بشاعة مانرى وما نسمع بل من بشاعة وقسوة واقعنا....نرجو من وزارة التربية والتعليم ان تقوم بربية المدرسين قبل التلاميذ اولا وتصفية هذه الفئة من المدارسين الذين لم يكن لهم أى دور فى تربية أولاتنا ولكن يقوم فئة هذا المرس فى زرع العنف والكراهية فى نفوس اولاتنا وهذا المدرس لابد من أتخاذ كل الحزم معه ورفضه من وزارة التربية والتعليم فورا
عدد الردود 0
بواسطة:
samirmorgn
ارحمونا
هذا أكبر سبب لإنهيار التعليم إحموا المدرس
عدد الردود 0
بواسطة:
طفل كرهه التعليم بسبب غباء مدرس
معلمين فشلة
المدرسين محتاجين مصحة نفسية يتعالجوا فيها اغبياء
عدد الردود 0
بواسطة:
ابن مصر
مدير ضعيف الشخصية متسرع فاقد للحكمة فى التعامل مع الطلبة
لما بيتقبض على متهم وبيروح النيابة النيابة بتحبسه ولا بتتحقق معاه الاول بتحقق معاه طبعا واحنا هنعتبر ان الطالب ده متهم انه طلب من زميله قلم اثناء الحصة حسب قوله كان من المفترض ان تنذره المعلمة اولا بما فعل وتوضح له الخطا الذى وقع فيه وتطلب منه ان يستاذن قبل ان يطلب شيئا هذا من حقها ولكن ليس من حق المدير ان يعتدى بالضرب على طالب مهما كانت سلوكه تلوم مدرسا يضرب طالب ونرى مدير المدرسة يفعل ذلك الذى من المفترض ان يكون ذو حكمة فى تلك المواقف ما المانع ان يكون عقاب من يخطىء من الطلبة بالورقة والقلم الذين اعتبرهم اشد من الضرب من يخطىء ينذر وان اخطا لايحضر الا بولى امره ليكون شاهدا على سلوك ابنه وان اخطا مرة اخرى يفصل ولكن الضرب ليس حلا للمشكلة فهو يؤذى الطالب ويضيع حق المعلم فى معاقبة الطالب معاقبة قانونية
عدد الردود 0
بواسطة:
هاوى
المدير محتاج علاج نفسى
كان نفسه يطلع ضابط شرطة
عدد الردود 0
بواسطة:
احمد
ارحمونا وبلاش كلام في الهواء
علي فكرة انا من سوهاج وشغال مترجم فوري احب اقول لكل الناس اللي بتقول ردود في الهواء انتوا مش متخيلين الطلبة في كل مكان وصلوا الي قمة قلة الادب وبالنسبة للناس اللي بتتكلم علي المدرسين محدش بوظ التعليم غير اللي زي حضراتكم ما احنا دولة اصلا خارجة التصنيف العالمي في التعليم عشان اللي بيحصل ده حاليا الطلبة بتحي ليا بتقول بنضرب المدرسين وبيقلوا ادبهم علي المدرسين واعرف مدراس المدرسين فيها مش بتعرف تشرح من قله ادب اولياء الامور في التعامل مع هذه المواقف ياريت اللي مش بيشوف حال المدارس ميقولش كلام في الهواء