"زوجى أنانى.. دمر حياتى وشوه شخصيتى، ورغم أننى امرأة مستقلة ولدى حياتى المهنية واحترامى من كل زملائى؛ إلا أنه نجح فى جعلى نكرة، أقضى وقتى فى تضييع صحتى حتى ينال شكل جسدى رضاه".. بتلك الكلمات وقفت الزوجة"رضوى. ال" تشكو زوجها أمام محكمة الأسرة بعابدين وتطلب الطلاق للضرر.
وقالت الزوجة: "تزوجنا بعد إعجاب متبادل لم أتصور أن الشخص الذى ارتبطت به فى فترة الخطبة سيتحول بعد الزواج إلى وحش سطحى لا يهتم إلا فقط بسعادته وحياته، ويحولنى إلى جثة دون روح بسبب عنفه وتصرفاته".
وذكرت الزوجة أمام مكتب تسوية المنازعات بعابدين: "لم ينظر مرة فى المرآة ليرى شكله بعد الزواج وإهماله فى نفسه، بينما كان يلومنى ليل نهار على عدم تشابهى مع السيدات التى يرافقهن، وعقده لمقارنات جارحة تسببت فى انهيار حالتى الصحية والنفسية، فكنت عندما آكل يتهمنى أننى سمينة، وعندما أصوم عن الطعام لأيام وشهور لأحافظ على رشاقتى نفر منى وأصبح يضربنى ويعذبنى ويجبرنى على تناول الطعام بشراهة، ويهددنى بأنه سيذهب لمعاشرة سيدات غيرى إذا لم أعد لشكلى السابق".
وتابعت: "أصبت بخلل فى الجهاز الهضمى دمر شهيتى وأصابنى بنقص وزنى بصورة كبيرة حتى بلغت 40 كيلو، وعندها ساءت حالتى ودخلت المستشفى وأنا مهددة بفقد حياتى، وهناك رأيته يتركنى دون أن يسأل عنى طوال فترة إقامتى هناك".
وأوضحت: "ضاعت 10 سنوات هباءً مع زوج عديم الضمير، نتج عنهم طفلين مشوهين نفسيا مثلى، وإصابتى بأمراض جسدية بسبب عنف زوجى ومعاملته لى، ورفض أهلى تطليقى وإجبارهم لى على التحمل للهرب من لقب مطلقة، وأخيرًا تركنى معلقة وذهب وتزوج بغيرى بعد أن دمر مستقبلى وتدهورت حياتى العملية هى الأخرى".
عدد الردود 0
بواسطة:
بنت مصرية
انتى وأهلك الغلطانين !!
زوج مريض متغير المزاج , شوية بيحب الست المليانة وشوية بيحب الست النحيفة , وانتى بتعاملى مع جسمك بالريموت كنترول لمجرد انك تعجبيه , طيب لو كان قالك انه بيحب الست الطويلة وانتى قصيرة , كنتى هتعملى ايه وقتها ؟؟ كنتى هتعملى عملية تطويل عظام علشان تعجبيه !! للأسف المرأة وخاصة الشرقية فاكرة ان جسمها ملك لزوجها حرفييا , من حقه يعمل فيه اللى يعجبه , وهى يا عينى طول الوقت عمالة تسمن وتخس وتبيض وتسمر لمجرد ان زوجها مزاجه كده !! شفت مرة حالة لزوجة جسمها كله محروق لأنها لجأت لمركز تجميل استعمل على جسمها خلطة لتفتيح البشرة لمجرد ان زوجها بيحب البيض !! قال يعنى لما اتجوزها كان النور مقطوع فمخدش باله انها قمحية !!وللأسف الأهل بينموا عند بنتهم شعورها بأنها ملك لزوجها ولو ( ولع فيها بجاز ) لمجرد انها متتطلقش وترجعلهم تانى اما لظروف اقتصادية أو لأعتبارهم ان الطلاق ( عيب ) او الأتنين !! طيب الزوجة اللى بتعمل فى نفسها كده دى مسألتش نفسها لو هى مثلا قالت لزوجها ان كرشه مضايقها , هل هينزل يجرى فى التراك ويعمل ريجيم علشان ينزله ؟؟ أو قالتله مثلا ان صلعته مش عاجباها هل كان هيروح يزرع شعر علشان يعجبها ؟؟ مع انه على فكرة زى ماهو من حق الزوج ان مظهر زوجته يرضيه هى كمان لها نفس الحق , طيب ليه هو بيطالب بالحق ده وبيصر عليه وهى المجتمع بيعتبرها غلطانة لو طالبت بنفس الحق , و( يا عيب الشوم ) ازااااى تقول لجوزها انها بتحب الراجل الرفيع , او اللى شعره كثيف !! يا جماعة الزواج مش صك عبودية للزوجة عند زوجها , دى حياة مشتركة كل طرف فيها له عند التانى حقوق وعليه واجبات , والطرف اللى ميفهمش ده وميحترموش يبقى مينفعش زوج أو متنفعش زوجة !! والطلاق شرع ربنا لا هو عيب ولا حرام , لو ملوش داعى وضرورة مكانش ربنا شرعه , نفعوكى بأيه زوجك واهلك دلوقتى لما صحتك باظت ونفسيتك اتدمرت ؟؟ زوجك برضه معجبهوش العجب وراح اتجوز غيرك , واهلك وبعد كل ده اول ما تتطلقى وتقعدى جمبهم شهرين اتنين هيبتدوا ينقرزوكى بالكلام ويطلعوكى انتى الغلطانة لمجرد انك اتطلقتى !! رضا الناس غاية لا تدرك !! مينفعش حد يدمر حياته علشان يرضى حد ايا كان الحد ده مين , ارضى نفسك اولا طالما مبتظلمش حد .
عدد الردود 0
بواسطة:
Lolo
؟؟
يبدو أن الفشه التي قصمت ظهر البعير بالنسبه لك ولأهلك هي ذهابه والزواج من أخرى لكنه إن لم يتزوج لكنت اكملتي معه رحلة الاهانه والذل ، وانت الجانية على نفسك بضعف شخصيتك فكيف تسمحي لزوجك أن يسمعك حكايات عن نزواته مع عشيقاته ووصفه لأجسادهن أمامك هل جننتي؟؟ لو كان عامل لك حساب لما تفوه بذلك فهو يعرف انك تعودتي على الخنوع والخضوع وضعف الشخصية ، للأسف أخذتي خطوتك في الانفصال بعد زواجه وضياع صحتك ، اطوي صفحته الى الأبد والتفتي لاولادك مع العلاج حتى يطرق بابك ابن الحلال ولكن لا تكوني ضعيفه هذه المره ويجب أن تتعلمي من اخطائك ، وفقك الله.
عدد الردود 0
بواسطة:
منين نجيب الصبر
والله خسارة حتى التعليق على هذا الندل --يا رب ينقلب واحدة ست علشان يشوف اللى محدش شافة وينكوى زيها
من الاخر كدة وبدون اى تعليق هذا الندل لا يستحقك دة معندهوش ريحة الدم ----دة دى الناس جراى لها اية لا كدة عاجب ولا كدة عاجب --انت تستحقى سيد سيدة فى داهية غير مأسوف علية ولك رب اسمة الكريم--أما عن أهلك فيولعوا بجاز وسخ --يعنى عاجبهم حالتك دى وحالة الاولاد--يا عينى اة ويا مليون خسارة--على المودة والرحمة التى امرنا الله بها بين بعضنا البعض--الله يخرب بيت النت واللى فكر فى النت واللى عمل النت واللى بتفرجوا على الوساخة فى النت--دمر حياتنا هى دى الحرب اللى على أصولها ادخل لك من الباب والشباك والهواء والمواسير والكابلات والتليفونات--وبرضاك علشان أدمرك --لا واية هتدفع لى كمان --شوفتوا يا سادة أحنا أد اية لعبة فى يد من يملك العلم والتكونولوجيا--عموما ايتها الزوجة المغلوب على أمرها--أخلعى من هذا الانانى المريض واتركية لحياتة --وشوفى حياتك انت فى رقبتك طفلين يعنى لو وقعتى دلوقتى محدش هيعبرهم واهلك اول من سيتهرب منهم--ويارب على هذة النوعية من الرجال عديمة النخوة والمرؤة والرجولة نسألك متى لا نراهم فى حياتنا -ومنين نجيب الصبر
عدد الردود 0
بواسطة:
داليا
في ستين داهيه
اللي زى الرجل ده متزعليش عليه اخلعيه وانت الكسبانه و صدقينى هتستريحى وهترجع صحتك وربنا هيصلح لك حالك لانك مفترتيش ولاخر وقت كنتى عايزة تعيشى ده مش ضعف في شخصيتك ولا خنوع منك بالعكس دى كانت رغبه قويه منك في انك تخلي حياتك تستمر علي امل اصلاحها كفي عن جلد ذاتك واحتسبي وابدئى حياتك من جديد اتتى واولادك