أكد مرتضى منصور، رئيس نادى الزمالك، أنه لن يتم تجدد إعارة محمود كهربا أو بيعه لنادى اتحاد جدة السعودى، بأقل من 40 مليون يورو، بما يعادل 800 مليون جنيه مصرى.
أوضح رئيس الزمالك، أن كهربا مرتبط بعقد مع القلعة البيضاء لمدة 5 سنوات، فضلاً عن تألقه اللافت مع الفريق السعودى، وتلقيه إشادات كبيرة من أبرز مدربين فى العالم وعلى رأسهم الأرجنتينى دييجو سيميونى المدير الفنى لأتلتيكو مدريد.
وعن مصير باسم مرسى مهاجم الفريق، أكد مرتضى منصور خلال تصريحاته لبرنامج "مساء الأنوار" عبر شاشة "أون سبورت"، أنه كلف أحمد مرتضى، المشرف على الكرة، بعقد جلسة مع اللاعب للتوصل لرغبته فى البقاء أو الرحيل.
أضاف رئيس الزمالك، أن وكيل الزامبى إيمانويل مايوكا، سيحضر إلى مقر القلعة البيضاء للاتفاق على رحيل اللاعب بطريقة ودية.
عدد الردود 0
بواسطة:
عبدالوهاب البلتاجى
فنكوش
كهرباء ب800 مليون ههههههه دا لو محطه كهرباء سيمنس مش هتعمل 800 ...محمد صلاح نفسه مش ب40 ..هو علشان سيميونى قال كلمتين اشاده يبقى خلاص..طيب لو عاجب سيميونى يجى يتفاوض مع الزمالك اى كلام فى اى هرطشه .. واضح ان صنف الكريسماس كان عالى جدا ولسه اثره شغال من امبارح
عدد الردود 0
بواسطة:
ناصر عفيفى
مالوش كلمه
فى الأخر هايبيعه بمليون جنيه وعشوة سمك ههههههههههههههههههه
عدد الردود 0
بواسطة:
ميدو
للهطل عنوان
شكلنا بقى مسخرررره وسط الاشقاء العرب
عدد الردود 0
بواسطة:
بيدو
عيب
الراجل ده عجيب عندهم قدره عجيبه انو يفضل في مشاكل طول عمره ,وميكنش مرتاح لو معدوش مشكلة مع حد
عدد الردود 0
بواسطة:
رزق
رجل فقد عقله
الراجل ما يقصدش هو كان عايز يقول 4 مليون جنيه ، ولكن الشاي بالياسمين شاف شغله.
عدد الردود 0
بواسطة:
افندينا الحجر
اول فشره
في بدايه العام الجديد يخرج علينا ابو لمعه منصور ويفتح صدره باربعين مليون دا خزنه الدوله مفيهاش المبلغ ده ارحم امنا من فشرك يا ابو لمعه
عدد الردود 0
بواسطة:
أسامه علام
قول كلام غير ده
ياعم مرتضى قول كلام معقول خلي الناس تفهمه وللا نقول خلي اللي بيكلم مجنون والمستمع عاقل ؟
عدد الردود 0
بواسطة:
مصطفى الطلياوى
مستشفى المجانيين
هو لاعب كويس لو عايز يجى الاهلى على 400000 الف اهلا وسهلا
عدد الردود 0
بواسطة:
مؤمن
الزمالك هيبيع كهرباء من 5 الى 7 مليون يورو
الزمالك هيبيع كهرباء من 5 الى 8 مليون يورو يعنى من 100 الى 160 مليون جنية وافتكروا كلامى سواء باعة فى اورلابا او فى الصينى لكن مش هيقعد فى اتحاد جدة او الزمالك .