"منال طاهر" السيدة التى ضيع القهر والغلب وظلم زوجها معالم وجهها ورغم بلوغها 26 عاما تبدو وكأنها من أصحاب الستين عام شاحبة ولا تستطيع الحركة وهى تجر خلفها طفلين لتطالب زوجها بنفقة تسد متطلباتهم.
ووقفت منال تروى لـ"اليوم السابع": "طلقنى ورمانى فى الشارع وقالى اخبطى راسك فى الحيط وملكيش حاجه عندى حتى دهبى وهدومى وعفشى أستولى عليهم وراح وتجوز واحدة تانية وعايش حياته وسايبنى أشحت بطفلين ملهمش ذنب غير إن أبوهم مفترى وميعرفش ربنا".
وأكملت الزوجة: عندما فكرت فى الزواج مثله هددنى بأن يحرمنى من حضانة أطفالى وذهب للشخص الذى تقدم لى وتعدى عليه وتسبب فى ضياع أى فرصة لى فى عيش حياة مستقرة مثله.
واستكملت منال: كل شهر أذهب إليه وأمد يدى لزوجته التى يترك لى النفقة معها ليتفنن فى معاقبتى وذلى وأحيانا يكون معها المال وترفض إعطائى إياه وتقفل فى وجهى الباب وتقولى بنبرة متعالية: "تعالى بكره"، وبعد سنة من العيش مع معاناة الطلاق امتنع عن الإنفاق على أطفاله رغم يسر حاله وتحصله شهريا على دخل يفوق 10 آلاف جنيه مما اضطرنى لإقامة دعوى نفقة تحت رقم 18756 لسنة 2016 ولكن للآسف طليقى تفنن فى حرمانى من أى حقوق لى وأتى بشهود زور وادعى الفقر وحكمت لى المحكمة 220 جنيها لطفلين وأمهم "ودى تعمل إيه يا محترمين فى الزمن دا"، وتابعت مضيفة: أقمت استئنافا على دعوى النفقة وأنتظر حكم ينصفنى وأولادى.
عدد الردود 0
بواسطة:
احمد
لازم نتطور
دة نموذج من اهدار المال و الوقت في الدولة .الدولة تلزم الاب بمبلغ مالي معين كريم واذا كان غير قادر يتم توظيفة في الدولة مقابل هذا المبلغ سائق بالجيش او طباخ او كمسري هناك الالف الحلول لانهاء هذة المعزلة .الاب الندل يتهرب من نفقة ابنائة بحكم محكمة اليست هذة مهزلة وقبل المهزلة اليست اهدار للمال والوقت .لتصحيح المسار الدولة تدفع ثم تحصل بتجنيدة بوظيفة او بالخدمة المجتمعية في النهاية الدولة المفروض لديها الوسائل انما ما يحدث انما هو التخلف بعينة
عدد الردود 0
بواسطة:
محمد
هل معقول
بتبان من هيئة الناس متجيش واحدة شكله كحيان والقاضى هيقتنع ان واحد دخله 10 الاف جنيه وافق يتجوزها، غيرها بيمرمط جوزه وبيشحته فهى فى الاول وفى الاخر نصيب هتقع مع مين
عدد الردود 0
بواسطة:
اماني
مش مظاهر
تعليق 2 حرام مش بالشكل الطلاق بيكبر ويبهدل الست 50 سنه هو لو مش مقتدر مكنش اتجوز تاني والعيشه غاليه بس حرام عليه دول ولاده هو المبلغ ده يكفي طفليين ايه سكن ولا اكل وكهربا وغاز وميه دول ولاده مطلوب منه يصرف علهم حتي لو مش معاه يشتغل القانون ديما ظالم الست مش مطلوب منهاتشتغل وتصرف وهو متهني ويصرف علي واحده تانيه واولاده مش لقيين حرام القانون لازم يتغير لصالح الاولاد اكتر