بالفيديو.. "البرادعى": العوا وطارق البشرى وأعضاء الحوار الوطنى ناس زبالة

البرادعى : العوا وطارق البشرى وأعضاء الحوار... by youm7

وصف الدكتور محمد البرادعى، نائب رئيس الجمهورية السابق، الحوار الوطنى، الذى تم إجراءه فى أعقاب ثورة 25 يناير، بـ"الحمار الوطنى"، مضيفًا :"الحوار الوطنى 20 من زبالين مصر" – على حد قوله.

وأضاف البرادعىى، فى تسريب جديد مع شقيقه على البرادعى":"أنا بشتغل لوحدى بعيد عنهم، ده بيضحكوا على عقل الناس يا على".

وهاجم البرادعى الكاتب الصحفى مجدى الجلاد، قائلاً: " واضح إنه فعلا راجل مجنون يا على، وواضح إنهم بيدوله معلومات غلط، وواضح إنه ضارب، دى ناس يا على متخلفة، تخيل يكلم واحد زيى يقوله بكرة عندك حوار وطنى، المفروض على الأقل قبلها بأسبوعين يبعتوا إيميل يقولوا الحوار الوطنى ده أهدافه إيه، خليهم هم فى الحوار الوطنى بتاعهم أنا عارف الشعب عايز إيه".

وأضاف البرادعى، قائلاً: "وهلاقى بكرة ناس مش عايز أشوف خلقتها، العوا، طارق البشرى، زبالة الزبالات الناس دى كلها زبالة يا على ما تقربش منها".

وهاجم نائب رئيس الجمهورية السابق، النظام الحاكم عقب ثورة 25 يناير، قائلاً: "دول ناس مجرمة، لازم القبض على الناس المجرمين دى، دول ماقبضوش من الأمن، ولا زكريا عزمى و لا صفوت الشريف أمال هتسخدموا قانون الطوارئ إمتى".

وتابع البرادعى فى تسريب مع شقيقه، قائلاً:" أنا قولت لنبيل العربى المطلبين لازم يقبضوا على الناس دى، ولا زم يلغوا الاستفتاء ده، وقالى هيبلغ الجمل مش بيفهم ده"، فى إشارة إلى الدكتور يحيى الجمل، نائب رئيس الوزراء الأسبق.

وتابع قائلاً: "بيقبضوا على الرؤوس الصغيرة زى أحمد نظيف وشوية الحرامية دول اللى واخد حتتين أرض و لا حاجة، دول مش النظام، أما ألاقى زكريا عزمى وصفوت الشريف وعلاء وجمال لسه بيمرحوا".

وواصل البرادعى:" الراجل اللى مش بيفهم اللى اسمه الجمل طالع يقولك، دى أخطر فترة فى تاريخ مصر من أيام محمد على، طب يعملوا زى ما عمل محمد على مع النظام القديم".