قال النائب البرلمانى محمد سليم، لوزير الإسكان، إن القليوبية تعانى من كوارث وتلوث شديد فى المياه، موضحاً أن مدينة قها والقرى التابعة لها تعانى من تلوث فى المياة، ما دعا الدكتور رضا فرحات، محافظ القليوبية، للتدخل قائلاً، "أتحدى وجود أى تلوث للمياه على أرض القليوبية".
وأضاف "فرحات"، "أقوم بزيارات ميدانية لكافة مناطق القليوبية، وبشرب من الحنفية فى أى حتة على أرض القليوبية، ولا يوجد تلوث، ولكن توجد عكارة فى المياه ببعض المناطق، بسبب تعدى الأهالى بوصلات غير رسمية"
جاء ذلك خلال استقبال اللواء الدكتور رضا فرحات محافظ القليوبية للدكتور مصطفى مدبولى وزير الإسكان والمرافق والمجتمعات العمرانية، بديوان عام المحافظة، لافتتاح محطة مياه كفر شكر 1،2 ثم وضع حجر الأساس لمبنى شركة المياه الجديدة، وتختتم الزيارة بتفقد محطة معالجة صرف صحى قها.
عدد الردود 0
بواسطة:
mohamed
المحافظ ده كذاب
المحافظ ده كذاب لو عايزين تعرفو الحقيقة ياريت تنزلو القرى التابعة للمحافظة زى قرية قلما وقرية سنديون والبرادعة وكفر ابو جمعة وشوفو المياه عاملة ازاى معظم الناس مركبة فلاتر بسبب تلوث المياه وتعكري وتغيير فى لونها
عدد الردود 0
بواسطة:
عمرو زكي
محافظ كذاب
مياه قها ملوثة ايها المحافظ الكاذب مياه قها مياه مخلطة بمياه الصرف الصحي ومياه ابار لا تصلح للشرب
عدد الردود 0
بواسطة:
احمد محمد
افشل محافظ
انت افشل محافظ . كل اهتمامك ببنها فقط وباقى قرى ومراكز القليوبيه كلها مهمله .. راعى ربنا فى شغلك .. وصفحتك اللى عاملها على الفيس مشغل فيها ناس تلمعك وتنافقك .. واى حد بيقول الحقيقه او بيتقدم بشكوى بيتعمله حظر .. وانا عايز حد يتواصل معايا من الجريده وانا هبعتلكم ملف كامل بالصور الداله على تدهور حال المحافظه
عدد الردود 0
بواسطة:
مهندس خيرى ندا
محافظ القليوبيه ديكتاتور
محافظ ديكتاتور ولايشاهد غير نفسه فقط -- يوجد مدرسه مهجوره فى مدينه العبور ووصلت حالتها للبؤس علماً بأنها ممكن تقام عليها مجمع مدارس لكبر حجمها ثانوى بنين وبنات وممكن صناعى ولكنه تمسك بعدم النزول بالتنسيق ليتفش اهل المدينه لخارجها ويحرم ابناء المدينه من حقهم ولايستمع -- فهو يقطع كلام النائب وكان من الافضل معرفه الاماكن ويزورها ويشاهد على الطبيعه -- عايش بدور رئيس جمهوريه
عدد الردود 0
بواسطة:
جلال عفيفي
فعلا
أكيد إنت بتشرب من الحنفية زينا تمام بس اللي مش زينا إن حنفيتك متوصلة علي مصنع المياه المعدنية الموجود في البر الشرقي لمدينة كفر شكر، عرفت ليه بتشرب من الحنفية وإحنا بنشرب من المصرف
عدد الردود 0
بواسطة:
مش قادر اصدق هذا الكذب
بجد..
هو ممكن المحافظ صادق ويكون بيشرب من حنفية المياة بتاعة بيتة اللى فى الشيخ زايد او الرحاب انما فى القليوبية وسعت شوية منك يا سيادة المحافظ وبعدين سيبك من المياة وتعالى بقى على انجازات سعادتك فى المحافظة لو جبت اصغر طفل او اكبر رجل هيقول منكم لله خربتوا بنها الجميلة ولما نيجى بقى لمكتب سعادتك الوصول اليك اسهل من الحصول على تأشيرة حج بالقرعة.. سكرتارية سعادتك ناقص يمسكو السلاح للناس
عدد الردود 0
بواسطة:
مواطن
ياااااااه هوة الأسلوب الرخيص دا لسة شغال؟
دا انت قديم أوى أوى ورخيص كمان
عدد الردود 0
بواسطة:
mohamed
فعلا الراجل ده كذاب
انا اسكن فى اجهور الكبرى وهى قريه تبع مركز طوخ . مفيش فى اى مواطن فى القريه بيشر من الحنفيه او حتى بيطبخ منها لأنها ملوثه وبتنزل من الحنفيه زى الطين . الناس بتشترى المايه للشرب والطبيخ من محلات بيع المياه المنتشره بالبلد الجركن بجنيه او من محطات الميه الأهليه التى تفلتر الميه وتبيع الجركن بنصف جنيه ولاعزاء للمواطن المصرى فى مسئولين كدابين وربنا يرحمنا مش كفايه مكامير الفحم والطرق الداخليه المنهاره والقضاء على الرقعه الزراعيه فى القريه بالمبانى العشوائيه نتيجه فساد الزمم , لنا الله ولاحول ولاقوة الا بالله