ولكل عاشق وطن
بيحن لترابه
وأنا وطنى حضن حبيبتى
وقلبها بابه
أرحل وألف بلاد
وأشوف واسمع لغات
وابعد وأهوى البعاد
وانسى كل الصحاب
بس أما أغمض عينى
دايما ياخدنى حنينى
واسمع صوت بينادينى
واصحى فجأة ألاقينى
واقف على بابه
بحن لأعتابه
ما أنا وطنى قلب حبيبتى
وقلبها بابه
يا بيتى الكبير يا أمل
يا حلمى ومنايا
لو مات الحنين فى البشر
حبك عليا كفاية
يا صاحبتى وأختى
يا فرحتى وضحكى
ياغالية يا امايا
يا قلب كله صفا
عمره ما بيعاتب
مدى الإيدين يا أمل
وخلى الباب موارب
ده أنا مهما عنك أبعد
مليش غيرك حبايب
وإن كنت مرة بعدت
وسيبتك لأحزانك
أكيد يوم هتلاقينى
واقف على بابك
ده لكل عاشق وطن
بيحن لترابه
وأنا وطنى حضن حبيبتى
وقلبها بابه
عدد الردود 0
بواسطة:
نهاد سمير
ياريتني كنت أمل
والله وبدون كسوف يعني ...... ياريتني كنت أمل هههههههه
عدد الردود 0
بواسطة:
د . علياء
ابداع
مبدع كالعادة .... تسلم ايدك يا خالد
عدد الردود 0
بواسطة:
منال العابد
؟؟؟؟؟؟؟؟؟؟؟؟؟؟؟
أمل ؟؟؟؟؟؟؟. طيب شكرا ياااااااا مستر
عدد الردود 0
بواسطة:
بادوووو
ولكل عاشق وطن ؟؟؟؟؟
ولكل عاشق وطن بيحن لترابه وانا وطني حضن حبيبتي وقلبها بابه .............بصراحة ده كلام كبير اوووووووووووي
عدد الردود 0
بواسطة:
وردة البنفسج
فينك من زمااااااااان ؟؟؟؟؟؟
والله وحشتنا الكلمة الحلوة ..... تسلم ايدك ........ اااااه بصحيح .... هيا مين أمل ؟؟؟؟؟؟؟
عدد الردود 0
بواسطة:
همسة أمل
وطني أنا
اروووووووع كلام بسمعه ودي اغلى عيدية في العيد يا اغلى الناااااااس يا نوووووور عيني ربنا يخليك ليااااااااااااااا
عدد الردود 0
بواسطة:
Sherif
موهبة
أنا عندي موهبة الكتابة لو عايز أتواصل مع الموقع وأنشر كتاباتى أعمل اية ارجو الافادة
عدد الردود 0
بواسطة:
محرومة من السعادة
يا حظك
ياااااااااااااااا حظك يا أمل ،، في ناس اتحايلت كتيررررررررر عشان يكتب فيهم كلمتين ومرضيييييييش ،،، واضح انك أغلى من ناس كتيررررررر ،، ولا ايه ياااااااااا مستر ؟؟؟؟؟؟
عدد الردود 0
بواسطة:
شهد
حقك عليا يا قلبي
كلام راااااائع بس انا برضوا مصممة أن اجمل حاجة كتبتها حقك عليا يا قلبي ... والله بموت فيك وفي كل كلامك
عدد الردود 0
بواسطة:
الفارس
الأمل
كلام جميل اووووي وشاعر أجمل والاجمل طبعا انه بيتكلم عن الأمل