اعترف أحمد المغير، أحد شباب جماعة الإخوان، والمعروف إعلاميا بـ"فتى الشاطر" أن اعتصام رابعة العدوية كان اعتصاما مسلحا، ولك يكن سلميا كما ذكرت الجماعة.
وقال المغير فى تدوينة له عبر صفحته الرسمية على "فيس بوك": هل اعتصام رابعة كان مسلحا؟، الإجابة ممكن تكون صادمة للكثيرين: أيوة كان مسلح أو مفترض انه كان مسلح، ثوانى بس عشان اللى افتكر انه كان مسلح بالايمان او عزيمة الشباب او حتى العصيان الخشب، لاء اللى بتكلم عليه الأسلحة النارية كلاشينكوف وطبنجات وخرطوش وقنابل يدوية وملوتوف ويمكن اكتر من كدة، كان فيه سلاح فى رابعة كافى إنه يصد الداخلية.
وأضاف: "قبل يوم المجزرة بيومين كان 90% من السلاح ده خارج رابعة، خرج بخيانة من أحد المسؤولين من "إخوانا اللى فوق" بس دى قصة تانية هحكيها فى يوم تانى أن شاء الله".
وتابع فتى الشاطر قائلا: "ليه بدأت البداية الغريبة الصادمة المفاجئة دى؟ لأنها مهمة جدا لرواية الأحداث اللى حصلت فى أسود يوم مر، طيبة مول المكان ده كان عارفينه أهل رابعة على أنه المكان اللى وراء طيبة مول المطل على شارع أنور المفتى، المكان ده كان مميز جدا وكان مشهور على أنه مكان إقامة "الجهاديين"، مكان بيرفض الظلم وبينصر المظلوم وبيقول الحق، الحق كله مش جزء منه - على حد قوله - وبيعلن مواجهة عقائدية سليمة بين حق وباطل لا ديمقراطية ولا تعددية ولا حزبية ولا الكلام ده كله، رجالة أو سرية طيبة مول ليهم حكايتهم الخاصة هما كمان وغالبا هيفضلوا مجهولين للأبد فى الأرض".
واستطرد المغير: "قبل الفض بأيام كان تقريبا فيه كل يوم شائعة عن الفض، كانت حرب نفسية عشان لما يجيى يوم الفض نفسه الكل يبقى مسترخى ويفتكرها شائعة كالعادة، زى ما قلت من شوية معظم السلاح فى رابعة كان تم إخراجه بخيانة حصلت ولم يتبق إلا سلاح سرية طيبة مول اللى كانوا جايبينه بفلوسهم الخاصة ومكنش لحد سلطان عليهم، بعد شوية هتعرف أن الاعتصام ده لم يكن بالإمكان فضه نهائيا لو كان سلاحه فضل فيه بس الهزيمة كانت من الخونة داخلنا وما زالت".
وتابع: "يوم الفض كنت موجود مع شباب طيبة مول، مكنتش شخصيا مسلح ولا عارف اى حاجة اكتر من أن فيه سلاح وان مفروض فى خطة مواجهة اذا حصل اقتحام، الساعة 6 صباحا تقريبا بدأ الاقتحام من جهة شارع أنور المفتى وشارع الاتوستراد من جهة طيبة مول، 5 دقائق غاز وبعدها بدأ الرصاص الحى مباشرة، انهارت خطوط الدفاع التى كان الإخوان مسئولين عنها، خلال ربع ساعة، الخطوط التى اتسحب سلاحها قبلها بيومين واتسابت فى مواجهة ظالمة، بدأ الشباب فى طيبة مول بالرد على الرصاص برصاص، كنا متحصنين فى المبنى اللى وراء طيبة مول، ومع كل دقيقة الحصار بيطوقنا والشباب بيجرى كله ناحية المنصة والغاز والرصاص فى كل مكان فى لحظات تشعر فيها فعلا أن القلوب بلغت الحناجر، بصيت باتجاه المنصة وهممت انى اتركهم وامشى لكن التفت ورايا وشفت منظر لا يمكن أنساه أبدا، اللى ماسك آلى واللى ماسك خرطوش واللى بيغسل وش الشباب بالخل واللى بيولع مولوتوف.
واستطرد: "قلت لنفسى أنا مش ممكن أبدا هقدر أبص فى المراية بعد النهارده لو سبت الشباب دول ومشيت، وقررت انى أرجع وأفضل معاهم ويكون مصيرى من مصيرهم، حزمت قرارى ورجعت تانى للمكان اللى كنت فيه وأنا موقن أن ده قرار موتى الذى ذهلت فى نهاية اليوم أن ده كان قرار حياتى".
عدد الردود 0
بواسطة:
سعد زغلول
بصرف النظر على كل شيئ
هو البغل ده مش فى السجن ليه؟
عدد الردود 0
بواسطة:
sameh
للتخلف العقلى حدود
لايمكن بحال ان يعتقد اكثر متخلف عقليا فى مصر مهما بلغت درجة سيطرة الشيطان على عقله ان جيش مصر بعد الاجماع الشعبى الغير مسبوق سيترك تجمع رابعه دون فض ، ولا يمكن لاى شخص مهما بلغت درجة غباؤة ولا اقول هنا سذاجته يعتقد انه مهما امتك من سلاح سيوقف الجيش عن الفض لانه ببساطة اذا زارد عدد الخسائر فى ارواح القوات المسلحة عن حد معين بالتاكيد كانت ستدخل هليكوبتر وقناصه وقنابل يدوية وماشابه ولو كنت رئيس جيش او وحدة لامرت باطلاق قبله تمسح الميدان مع تقبل الخسائر فى ارواح بعض او قله من السكان المحيطين فى حاله عدم وجود طريقة اخرى ، فهل كان يعتقد من فى الميدان انهم سيقاومون الجيش لدرجة يستحيل معها اقتحام الميدان ؟ هذا سؤال اعتقد ان اجابته ستكون بنعم حال امتلاكهم مضادات طائرات وقنابل نووية وماشابه ، اين العقول ياسادة اعتقد ان شعب مصر وصل الى مرحلة تقبله اقل خسائر بشرية ممكنه لفض الاعتصام وكان سيقبل بقتلى حسب درجة مقاومة من فى الميدان واعتقد جازما ان تهريب السلاح لم يكن خيانه بل قرار قيادتهم لانه كان مبررا لتصاعد العمليات قد تنتهى بابادة لعدد كبير جدا من الموجودين ، وفى رايى المتواضع كمدنى ان فض مليون او اثنين بخسائر الف شخص مثلا هو انجاز كبير من قوات الجيش فالخسائر نصف فى الالف وهو رقم قياسى فى العمليات ان كان تقديرى صحيحا بل ان تجمع مليون شخص كافى لقتل هذا العدد فى التدافع فتحياتى للجيش المصرى الذى فض تجمع من اضخم التجمعات خسائه فى الارواح تقارب الصفر الصحيح
عدد الردود 0
بواسطة:
تامر ذكى
كلام جميل
هذا هوه الإعتراف
عدد الردود 0
بواسطة:
سامي بشري
وشهد شاهد من اهلها
وكل يوم راح تتضح وتتكشف الأمور اكثر وأكثر عن الاخوان الكذابين الارهابيين وشهد شاهد من اَهلها ولكن راح تطلع التصريحات المعروفة بانه كذاب وانه لا ينتمي للجماعه ولايعرفوه ولا عمرهم شافوه بل قد يقولوا انه عميل لأمن الدوله ويسألوا هو مين ده!!!!!!!! دوله الظلم ساعه ودوله الحق الي قيام الساعه ياريت شباب الاخوان يراجعوا أنفسهم ويستخدموا عقلهم لوحدهم بعيدا عن السمع والطاعه حتي يفهموا ويعرفوا الحقيقه وهي ان قياداتهم كانوا ومازالوا يستغلون الشباب الطيب ويحشون رؤوسهم بمعلومات مغلوطة ويضللونهم
عدد الردود 0
بواسطة:
احمد حسن
الامارات
والله كويس كده يعنى لو فى سلاح موجود وقنابل كنت راح تعملوا مذابح بقااا وتقتل الشعب لان الشعب هو من قال لازم يكون فى حل لفض رابعه ولو كان حصل اللى قولت عليه وفى سلاح كنت شوفت ماكنت تشوفه فى حياتك اعرف الجيش اعطى الاوامر لداخليه يعنى لو الجيش هو اللى ادخل ماكنت انت موجود خالص والحمد لله اينك اعترفت بالحقيقه راح يسجل عليك كل شىء انت والحونه الاخوان الاراهبيه
عدد الردود 0
بواسطة:
عادل
الي رقم 1
احسن انه بره وخلية يعكها عليهم ما منهم فيهم . خرفاننننننن
عدد الردود 0
بواسطة:
مصرى حر
فين بتوع سلميه سلميه
حتى يتأكد الجميع ان هؤلاء الخونه يعيشون كذبا ويتنفسون كذبا .لقد صدعونا منذ فض بؤره رابعه الارهابيه الاجراميه انها كانت سلميه وواحد منهم اهوه بيعترف ان السلاح اللى كان موجود يحارب الجيش والشرطه . فين المنظمات الحقوقيه العالميه تسمع فين البرلمان الاوربى يسمع فين اوباما وامريكا . اسمع يا شعب مصر العظيم علشان تعرف ان السيسى البطل انقذ مصر من خونه وعملاء . والحمد لله الشيخ المحترم الجليل محمد حسان قال كل حاجه ربنا بيفضحهم يوم ورا يوم . اه يا شويه خونه ارهابيين . تحيا مصر وجيش مصر وشرطه مصر وقضاء مصر
عدد الردود 0
بواسطة:
المصرى افندى
لماذا الاعتراف الان ؟
ان يتم اعتراف مثل هذا الان لابد وان يكون له سبب ، اما تصفية قيادات بعينها من الاخوان والطعن فيها وحرقها معنويا امام الشباب وهو اُسلوب اخوانى معروف واظهار شباب الاخوان فى شكل المجاهدين المُضحين بارواحهم فى سبيل الجماعة او ؟؟ محاولة استثارة شباب الجماعة المحبط من تصرفات قياداته وإعدادهم لمخطط جديد تحت قيادة المغير الذى يتم تلميعه وإظهاره فى شكل العالم ببواطن الأمور ، و الله وحده يعلم ما يدبرون ؟؟