شكلى هاعمل مصيبة ومحدش يا ناس يلومنى
دى الدنيا دى عجيبة وشيطانها مصمم يزورنى
جربت فيها الطيبة ماكلتش خالص معاها
الخير بقى فيها عيبة والشر مزروع جواها
ضاعت أخلاقنا الجميلة ضيعها ولاد اللذينا
أخطاؤنا فيها عظيمة مليانة غيبة ونميمة
وشيطانها بن اللذينا فارد جناحه علينا
فى الخير مكتف أيدينا وعالشر بيجر فينا
فين أخلاقنا الجميلة يا شيطان يا ابن اللذينا
العيب يا خلق فينا سلمنا وسيبنا إيدينا
تم أضافة تعليقك سوف يظهر بعد المراجعة