كل الناس اسمهم بنى آدمين يعنى من نسل آدم كلنا جايين... كل الناس لما تكون فى ضيقة أو كرب تصرخ وتقول إنقذنا يا رب.
يعنى كل العالم حتى لو اختلفت اللغات أبونا هو آدم وكلنا أخوات... وكل العالم حتى لو اختلفت الديانات إلهنا هو ربنا رب السماوات.
وكلنا أخوات فى الإنسانيه وللإنسانية قانون عمره ما فرق بين بوذى أو يهودى أو مسلم أو مسيحية.
فياريت كل واحد تكون عنده إنسانية كاملة لأن الدين هو دين المعاملة.
وعمرى ما شفت دين من الأديان بيحث ويحرض على كره وقتل أخيك الإنسان.
وأوعى تقول إنك متدين وعندك إيمان... وأنت قلبك بالحقد والكره مليان.
وأوعى تكون بتبقى مبسوط وفرحان..... وأنت بتخرب وبتولع فى بيوت الجيران
وأوعى تعمل نفسك آلة تحاسب وتقتل فى خلق الله
الله خالق الخلق والأديان له وحده الملك وهو وحده الديان
يا جميع العالم اتحدوا وكونوا على يقين .. مفيش ما بنا خلاف ولا اختلاف كلنا أخوات كلنا ملناش غير رب العالمين.
تم أضافة تعليقك سوف يظهر بعد المراجعة