فيسبوك
واتساب
يا حب ساكن فى الوريد
جوايا مهما بكون بعيد
وقلبى فى ترابك شهيد
لكنى خايف أنحنى !
لخسيس بماله يذلنى
لأجل انتى بس تكونى أقوى
وخيرك.. من تانى يزيد
عارف أنا فى حقك مقصر
العين بصيرة واليد أقصر
من إنى أجيب حقك أكيد
مش عاجز أنا عجزى فى سكوتى
ومملكش فيكى إلا صوتى
وإرادة حرة من حديد
عمرى يا بلدى ما كنت خاين
شايل أنا همك وصاين
ومحال فى الحق أكون عنيد
يا بلدى زاد الطمع فيكى
وزاد الغدر حواليكى
وصبح الحق فيكى شريد
صورة أرشيفية
