اعمل خير وإرميه فى البحر
واوعى تسب فى يوم الدهر
مهما الدنيا كانت وياك
اتحمل يوم واتحمل شهر
اعمل خير متقولش الناس
إنت بتبنى بجد أساس
إعمل خير متقولش ظروف
وإوعى تكون من الخير مكسوف
مهما كبرت ومهما عليت
مهما يكون محتاج البيت
اعمل خير ومتستناش
واوعى تقول الخير ببلاش
مهما تشوف من الخير دا مرار
اعمل خير لو قابلك نار
عيش فى الدنيا إصبر وإتحمل
هى الجنة دخولها هزار
اعمل خير دا الخير لله
محتاج إيه بعد رضاه
صورة أرشيفية
لا توجد تعليقات على الخبر
تم أضافة تعليقك سوف يظهر بعد المراجعة