فلوسى راحت فين....... ده انا لسه قابض مفيش يومين
ادور عليها بس فين……. جيوبى فاضية ولسه علية دين
وعليا فيزا يجى اكتر من الفين.... وإقساط يا ويلى هجيب ده كلة منين
وأطلب زيادة من أكبر المديرين....يقول دراسة. دى والله بقالها سنين
نفسى أجيب لى جزمة.... وقميص وبنطلونين
وأجيب لعيالى لعبة... لكل واحد فيهم مش لعبة للاثنين
إمتى أحقق حلمى....... وفلوسى تبقى كافية لحد يوم تلاتين
أملى يا رب أنى......أسد كل الدين
وبكرة قبضى يبقى............ زيادة وأشيل قرشين
لوقت زنقة أصلى............ ضهرى انحنى من الدين
فك يا رب كربى............. يا نصير المحتاجين
ده رزقى يا رب عندك...... مكتوب ليوم الدين
بدعيلك يا رب..... تفرجها على عبدك المسكين
انت العالم بحالى...... ياأرحم الرحمين
أموال - أرشيفية
لا توجد تعليقات على الخبر
تم أضافة تعليقك سوف يظهر بعد المراجعة