بالصور.. طفل يابانى يتناول أدوية السرطان بعد مشاهدة المصرى بطل العالم فى السومو

نشر عبدالرحمن شعلان بطل العالم فى السومو، الذى استقبله الرئيس السيسى خلال زيارته الأخيرة لليابان، على صفحته الشخصية على موقع التواصل الاجتماعى "فيس بوك" موقفا مؤثرا له أثناء تواجده لدى أحد أصدقائه بمدينة طوكيو، وذلك عندما وجد طفلا مريضا بالسرطان يقترب منه ويؤكد أنه كان متوقفا عن تناول أدوية السرطان، بسبب عدم قدرته على مشاهدة البطل المصرى فى البطولات الأخيرة، بسبب الإصابة التى لحقت ببطل العالم فى السومو مؤخرا وأبعدته عن المباريات، إلا أن الطفل عاد وبدأ فى تناول الأدوية التى وصفها بالمؤلمة بعدما عاد البطل المصرى للمشاركة مرة أخرى فى البطولات وأخرها الفوز ببطولة أوساكا الدولية نهاية الشهر الماضى.




وكتب بطل العالم على صفحته قائلا: "موقف حصل معايا امبارح فرق معايا لـ١٠ سنين قدام "كنت معزوم عالعشا امبارح فالطفل دا كان ابن حد من الضيوف ومكنش مصدق أول ما أنا دخلت وبالصدفة كان المكان اللى أنا هقعد فيه قدامه فى الناحية التانية من الترابيزة و فضل يبصلى جامد وفجأة ابتسم وشاورلى ف شاورتله قلتله تعالى اقعد على رجلى.. جه وقعد وقالى عاوز اقولك على حاجة.. انا بحبك اوى اوى وانا فرحان انى شوفتك، وكل لما اشوف ماتشاتك او اشوفك فى التليفزيون بكون فرحان و بتشجع اخد الدوا.. فسألته انت تعبان!؟.. قالى ايوه انا عندى سرطان والدوا وحش اوى وبيتعبني وفضلت الفتره اللى انت كنت مصاب وملعبتش فيها ما باخدش الدوا ولما رجعت واخدت البطوله انا كنت مبسوط اوى وبقيت باخد الدوا احسن من الاول عشان اكبر وابقي قوى زيك كدا..




اهو طفل زى دا يخليني انحت في الصخر عشان بس اشوف الفرحه فى عيونه زي ما شفتها امبارح.. ربنا يشفيه يارب".

أخبار متعلقة..

- بالصور .." بشرة خير" شعلان يتوج ببطولة العالم للمحترفين فى السومو قبل مباراة نيجيريا

- بطل العالم فى السومو: السيسي وعدنى بإنهاء أزمتى مع التجنيد

- الصور.. عبدالرحمن شعلان بطل العالم بالسومو لـ"اليوم السابع":بدأت مشوارى فى بلاد الساموراى بتنظيف حمامات..اليابانيون يعاملوننى معاملة آلهة..واقترحت على السيسى استغلال شعبيتى فى الترويج للسياحة المصرية