روشتة السيسى لاستنهاض همم المسئولين.. للمحافظين: انزلوا شوفوا المشروعات.. وللوزراء: كل ما يرتبط بمكافحة الفساد يتم من غير محاباة ولا مجاملة.. وللمواطنين: ظروف بلدنا صعبة ولازم كل واحد فينا يمد إيده يحط حاجة

عن ابن عمر رضي الله عنهما عن النبى صلى الله عليه وسلم قال : " كلكم راع ، وكلكم مسئول عن رعيته ، والأمير راع، والرجل راع على أهل بيته، والمرأة راعية على بيت زوجها وولده، فكلكم راع، وكلكم مسئول عن رعيته".. يمكن من ذلك الحديث الاستدلال على حجم المسئولية التى يسعى إليها الرئيس عبد الفتاح السيسى، لبثها فى روح قيادات الدولة والمسئولين، ووضح ذلك جليا خلال آخر زيارتين رسميتين له، وذلك بمجمع كوبرى القبة العسكرى فى وقت سابق، وشركة النصر للبتروكيماويات الوسيطة اليوم.

وضع الرئيس ما يشبه روشتة عمل لكافة المسئولين بالدولة، سواء فى القطاع المدنى أو العسكرى، وعمل الرئيس على أن يوجه تلك الرسائل للشعب المصرى ، ليعمل كلا فى نطاق مسئوليته الصغيرة ، وحرص على أن تكون الرسائل مباشرة، وربما يكون أكثر منها يوجه للمسئولين أنفسهم فى الاجتماعات، ولكن يبقى أنه أمام الشعب بأسره، يحاول حث المسئولين على ممارسة مهامهم بشكل محترف ودون خوف أو تراجع للخلف.

أول المواقف التى جاءت فيه رسائل السيسى للمسئولين، خلال افتتاح مراحل التطور والإنشاء بمجمع القبة العسكرى، عند قيام مسئول مفرزة الأمن، بعرض أعمال تطوير ساحات الانتظار، سأل الرئيس اللواء هارون أبو سحلى مدير مجمع كوبرى القبة الطبى العسكرى:"هل بناخد فلوس على انتظار السيارات فى تلك الساحات؟ ليرد اللواء هارون:"نعم يافندم".

وتابع الرئيس:"مهم جداً إننا ندور على مصدر دخل للمشاريع إللى بنفتتحها، عشان نحافظ على الخدمة اللى بتتقدم للناس، لازم أفكر أجيب الفلوس إزاى، ويؤكد:"عشان نعمل إحلال وتجديد لازم فلوس، مش هنقول الـ 3 أو 4 جنيه انتظار السيارة عبء على المواطن.. لأ.. دى ظروف دولة وبلد ظروفها صعبة، لازم كل واحد فينا يمد إيده يحط حاجة".

وفى حديث الرئيس السيسى، لمدير كلية الطب العسكرى، قال :"احنا عايزين نقول للناس إن المصريين قادرين على أى حاجة، ودورنا الإعداد الجيد للجيل الجديد قبل ما نخرجهم، وفكر الكلية هو إعطاء الفرصة والسماح باستضافة الكليات المدنية، فى نظام شبه عسكرى، لكى تضخ المنظومة أفراد للقطاع المدنى، احنا فى مستوى جيد فى مصر وعايزين نزود المستوى أكتر، وعملنا نقلة.. ممكن كليات الطب فى القطاع المدنى تستفيد مننا وإحنا نستفيد منهم.. يبقى عندنا طبيب وتمريض جيد على أعلى مستوى".

وخلال افتتاح مصنع الكلور رقم "4 " اليوم، ضمن أعمال التطوير بشركة النصر للبتروكيماويات الوسيطة، وجه الرئيس عبد الفتاح السيسى، كافة القادة والمحافظين الموجود فى نطاق مسئوليتهم مشروعات يتم تنفيذها بمتابعة تلك المشروعات، حيث قال: "من فضلكم لما يبقى فى مشروع بيتعمل جوه محافظاتكم تنزل وتشوف وتطمئن وتستعين بلجان فنية لمتابعة المشروعات".

وتابع الرئيس فى حديثه للمحافظين قائلاً: "أنا من اتباع الكلام اللى زى كده عشان أطمن إن حاجاتنا بتتعمل بما يرضى الله.. وكل واحد فى مكانه يشيل مسئوليته، ويعرف كل صغيرة وكبيرة داخل المحافظة، وعايزين نخلى نطاق الإشراف كبير من غير ما نعيق بعض، بس نطمئن أن الفلوس اللى بنحطها بتشتغل أفضل ما يمكن".

وواصل حديثه قائلاً: "السادة المحافظين والوزراء إذا كنا بنتكلم عن مكافحة فساد.. يبقى الموضوع مفيش فيه محاباة ولا مجاملة، وبنعمل كده لأن دى بلدنا وحاجتنا ولازم نطمئن أن كل شئ يسير طبقا للمعايير".