بالفيديو.. هياتم: "مفيش مشاهد إغراء ولا أنوثة طبيعية دلوقتى لأن الكل نافخ"

قالت الفنانة هياتم، إن مشاهد الإغراء لا تُمثل، وأى ممثلة تقوم بهذه الأدوار حاليًا لا يمكن تصديقها، مضيفًة: "مفيش حد فى الممثلين ليه فى الإغراء دلوقتى، لأن الأنوثة الطبيعية مش موجودة رغم اللبس الجريء، وكلهم بينفخوا وبيقولوا أنوثة".

وكشفت هياتم، خلال حوارها مع الإعلامية راغدة شلهوب، ببرنامج "فحص شامل" المذاع على فضائية الحياة، حقيقة ترشحها للانتخابات الرئاسية، مؤكده أن ذلك الأمر إشاعة ليس لها أساس من الصحة، مضيفة: "كنت بعمل عمرة ولقيت قنوات بتتصل بيا بتقولى مبروك على الترشح، والسبب شباب على فيس بوك، قالوا إحنا عاوزين هياتم رئيسة الجمهورية، علشان مش مقتنعين ببعض المرشحين".

وأكدت هياتم، أنها لم تزور سنها الحقيقى فى البطاقة الشخصية، معللة ذلك بـ"أنا ست معروفة طول عمرى، يعني ست سينمائية معروفة، واللى حصل أنا رحت أقدم على البطاقة وقابلتنى واحدة وقالتلى أنا اللى هعمل كل حاجة، راحت كتبت فى البطاقة آنسة من غير ما تسألنى علشان تعمل معايا واجب وده تزوير رسمى".