بالفيديو..والد مى عز الدين لـ عمرو أديب: لو فرحت بيها هجيبلك كيلو بسبوسة

بالفيديو.. والد مى عز الدين لـ عمرو أديب: لو... by youm7

قال حسين عز الدين والد الفنانة مى عز الدين، إنه فخور بابنته، مردفاً: "روحى اللى بتنفسها وعينى اللى بشوف بيها".

وأضاف خلال مداخلة هاتفية لبرنامج "كل يوم"، على فضائية "on E"، مع الإعلامى عمرو أديب: "بتأسفلك عن الفترة اللى بعدنا عن بعض كتير، وفخور بيكى لأنك عملت شخصية وسط عمالقة الفن، وربنا يزيدك"، مستطرداً: "هى اللى بتفكر فى كل حاجة وبتقلق فى شغلها، وأنا ببقى خايف من عمل لعمل".

وتابع: "كنت بخاف على مى، ومكانتش تعرف حاجة عن الدنيا، ولما دخلت فى الفن قالتلى أنا تعلمت كتير وبقيت بقعد مع الشخص وأعرف شخصيته، وبوجه الشكر لوالدتها، اللى مقدرش أنكر تربيتها لمى، وربنا يوفقها ويديها الصحة"، مردفاً: "نفسى أفرح بيها، وأجيبلك يا عمرو أديب كيلو بسبوسة وأجيلك لغاية عندك، مفيش فى قلبى ولا تفكيرى غير دى، عشان أشوف إنتاج مى عز الدين بيبى صغير كده".

وعلقت الفنانة مى عز الدين: "ربنا يخليك ليا يا بابا ويديك طولة العمر وتفضل جنبى، ودى مفاجأة حلوة".