بعد ارتفاع أسعار السكر بالسوق المصرى، والأزمة الاقتصادية فى استيراد بعد المنتجات المتعلقة بصناعة الحلوي، قفزت أسعار صناعة المنتجات التى تعتمد على السكر كمكون أساسي فى تكوينها " كحلاوة المولد" بشكل كبير.
كاميرا فيديو7 قناة اليوم السابع المصورة، رصدت أسعار "حلاوة المولد" بالسوق المصرى، مع اقتراب المولد النبوي الشريف، وبلغت أسعار العلبة بأحد المحلات بمنطقة وسط البلد ل500 جنيه فيما بلغت أخرى 700 جنيه، وهو ما ينبئ بارتفاع جديد فى أسعار الحلوى لم تشهده مصر من قبل.
وقد علق رواد مواقع التواصل الاجتماعى على ارتفاع أسعار" حلاوة المولد" بسخرية شديدة، وقال محمد أحمد:" هو لسه فى ناس بتشترى حلاوة المولد 700 جنيه ده مرتبى".
عدد الردود 0
بواسطة:
زائر
بلاها ...........حلاوة (هشتاج)
نقضيها ذكر وتلاوة وقراءة قران ودعوات عسى ان تنزاح هذه الغمة ...واتركوا التجار يعيدوا تدوير هذه الحلويات من جديد او يحولوها الى مشروبات (كوكتيل) على فكرة المتحكم فى السوق الشعب المستهلك وليس التاجر الجشع وحينها سيلجاء التاجر الى رفع السعر اضعاف على المشترى المرتاح ماديا حتى يعوض خسارته فى السوق ..هناك فئة من المستهلكين لن يفرق معهم السعر ويقولوا اهم شى ناكل حاجة نظيفة (كل يا باشا )ما انت كل سنة بتاكل ايه الجديد الا حصلك ؟700جنيه ثمن كيلو حلوى تبرع بيهم وتصدق على ابناءك لان الصدقات تخفف من مصائب الدهر
عدد الردود 0
بواسطة:
البرنس
حتي لما كانت بسعر التراب ماكنتش باشتريها ......
ليس لعدم قدرتي ... فانا والحمدلله مستور الحال ... لا أنا ولا اولادي نميل لأكل الحلوي ... علي كل حال نطالب التجار بعمل مائدة كبيره ... ثم يعدون عليها ماطاب ولذا من منتجاتهم وليتفضلوا يأكلوها بالهنا والشفا ... ( الناس دي شكلها اهبل ) .
عدد الردود 0
بواسطة:
ده خبر عظيم جدا
ادمان السكريات كارثة من الكوارث الصحية في مصر
والله العظيم أحسن ، عشان الجهل في بلدنا فوق الوصف ، رجالة كتير فاكرين إن السكريات والحلاوة الطحنية دي مفيدة للمتزوجين ، النكتة بقى إن كل ما تاكل سكر كتير مستوى التستستيرون اللي هو هرمون الرجولة بيقل والعكس صحيح ، السكر بيديك طاقة سريعة جدا بتتحرق بسرعة لكن في نفس الوقت بتتعب البنكرياس بمرور الوقت وندخل بقى في دوامة أمراض السكر ، اللي عاوز يحافظ على رجولته واللي عاوزة تحافظ على نفسها ، ابعدواعن السكر ، 3 ملاعق صغيرة في الييوم فقط ، البداية صعبة جدا لإنه زي المخدرات فيه ناس كتير مدمنة سكر ، لكن بقوة الإرادة بعد شهر واحد حتكتشف انك صحيا افضل بكتير وكوباية الشاي اللي كنت بتشربها بتلاتة معالق على الاقل مش حتقدر تشربها غير بنص معلقة ، والأهم بكتير التقليل من الفواكه المسكرة لإن السكر اللي في الفاكهة اسمه فركتوز الجسم لا يستفيد منه على الاطلاق و يتجه للكبد ليتحول لدهون ، للاسف المفاهيم الغذائية السليمة ضايعة عند المصريين ، ناس كتير تفتكر إن طالما الفاكهة طبيعية يبقى دوس براحتك ويقولك بعد كده مش عارفين نخس
عدد الردود 0
بواسطة:
محمد عياد
وفرتو الفلوس
والله فكرة نبدا التوفير
عدد الردود 0
بواسطة:
khaled soudi
رز بالبن واهو كله بالسكر
وماله الرز ابو لبن ..... ولما الناس تعمل شويه رز بالبن وناكل ونهيص وندعيلك يا عمده . وليله وعدت. في صحتك يا نبي .
عدد الردود 0
بواسطة:
احمد شعيب
الخطر
يا جماعة ده اسمه انهيار عملة الدولة وانفلات الاسعار احنا بكرة نتطلب من الناس مقاطعة الدواء و الاكل و اللحمة و الملابس و الاجهزة ثم ناكل ورق الشجر و الثلاجة نضع فيها مياة فقط حد يصدق ثلاجة توشيبا ام 3000 الاف بقت بعشر الاف
عدد الردود 0
بواسطة:
حر
يعني هيه غليت عشان السكر ؟
عشان كيلو السكر بقى 10 جنيه يبقى كيلو الحلاوه ب 500 ؟ هنستعبط ؟ ده تمن شكارة السكر 25 كيلو 250 جنيه !! يا عم دي محلات الناس اللي بينضحك عليها و عايشة الدور . ده حاطط السمسميه ب 30 جنيه القرص !! 2 دولار هههههه ولا كإنك داخل تشتري قطعة زاخر تورت من حلواني في النمسا هههههه !
عدد الردود 0
بواسطة:
ابو عمرو زكى
يلاش خيبة
يا ناس والله حرام اللى بيتعمل فى المصريين كيلو حلاوة ب 500 جنية يا واقعة سودة انا عن نفسى لو الحلاوة دى هطول عمرى 1000سنة بلاها احسن وبلاش اجيب لنفسى جلطة واللى بنى مصر كان فى الاصل طرشجى
عدد الردود 0
بواسطة:
محمود عزيز
لرقم 7 صدقت
أنعدم الضمير فينا والتجار أصبحوا لصوص مستغلين وجشع بأذن الله سوف يأتي عليهم يوم أن حساب ربك لقريب........... يعني لما تزيد 10 ولا 20 ولكن 100 أو أكثر يبقي نصب عارف يا شعب لو تجد محل بيعمل كده لا تشتري أمنع نفسك لفترة اقسم بالله هتلاقيهم دول بيزحفوا يتوسلوا لك علشان تشتري
عدد الردود 0
بواسطة:
الدكتور
وفرتوا حفاظا على صحتنا و نحمى نفسنا من جشعكم
هل سعر السكر زاد بمعدل زيادة سعر الكيلو العادى اللى بدون مكسرات عشان محدش ينط ويقول دولار . اذا الموضوع جشع بين و احنا مش ناقصين ولا صحة و لا جشع نحاربة محربة القطة للفأر . ولا اية