فيسبوك
واتساب
وِلسّه حَبِيبى..
لِسّه مِشْ مِصدّقه..؟
إنّ يَا عُمرى
لمّا شُوفتك
حُبّى ابْتَدى..!
وِالّلى كِتير
مِنّه فَات..
مِستنّيك كَان
عِشق تَايْه
وَيّا آهَات
رَحِمْ ضَنَى..!
عِشقٌ فِ الله
مِسْتنّيك أمَل
أمَل وِرَجَى..!
،،،،
ولمّا جِيت
مِشْ حُبّ جِديدْ
هُوّه.. هُوّه
اللى كَان لِيكْ
وِجِوّه رُوحى
شُوق نَمَى..!
عَن زَمنى مِدَارِيك
خَافِيك وقَدْرِى
حِرمانٌ فِ جَرح
بِدمّى سَرى..!
زَىّ النّينى
فى عِينيك..!
لمّا شَافه
نُور اتْوَلد
نُور فِ لُقا..!
،،،،،
ليه.. يَاحَبيبى
لِسّه مِشْ مِصدّقه..؟
إنّ الحُبّ
زَىّ المَطر
لا مَانْعُه وَلا حَايْشُه
إلّا.. إلّا قَضَا..!
إنّى عَشِقتك
رِحْلَة سَفر
قَطر بِلا مَحطات
يَقوده قَدر
مَعاك كَان.. و
كَان مُنْتَهى..!
*****
