ظهرت فى الأفق بوادر أزمة داخل نادي الزمالك بسبب مصطفى فتحى صانع ألعاب الفريق، بعدما أعلن مرتضى منصور رئيس النادى رفضه احتراف اللاعب عن طريق ممارسة الضغوط على مجلس الإدارة .
ووجه مرتضى منصور رسالة لمصطفى فتحى عقب مباراة الزمالك وسموحة بالأسبوع السادس للدورى والتى انتهت بالتعادل السلبى وقال له : "لو وقفت على دماغك مش هتحترف بالأسلوب ده .. أرفض الضغط على النادى" .
وبعد ساعات من تصريحات رئيس الزمالك غاب مصطفى فتحى عن المران الجماعى لفريقه مما أثار علامات الاستفهام وبدأ الجميع فى ربط غياب اللاعب بالأحداث التى تلت مباراة سموحة ليكون غيابه عن المران أولى الأزمات له داخل النادى، رغم قيام اللاعب بإخطار الجهاز الفنى بشعوره بالإجهاد مما أدى لغيابه لكن الأحداث الأخيرة جعلت البعض يعتقد أن غيابه بسبب التصريحات الصادرة ضده .
عدد الردود 0
بواسطة:
saad
نصيحه لمرتضى منصور : لا تكن كالدبه اللى قتلت صاحبها !
توقف تماما عن التصريحات الهدامه للفريق ، وتجنب تماما الدخول فى اى تفاصيل فنيه تخص اللاعبين والجهاز الفنى .. خاصه ان لك الفضل الاول فى صناعة فريق قوي للزمالك قادر على حصد جميع البطولات .. فلا تهدم ما صنعته بنفسك وجهدك وعملك ! من خلال بعض التصريحات الغير مسئوله ! اخيرا : مصطفى فتحى تحديدا يا استاذ مرتضى هو من اخلص لاعبى الزمالك وهو نجم كبير واعد ، الزمالك ومنتخب مصر فى حاجه شديده لجهوده ومهاراته الفنيه العاليه والفريده .
عدد الردود 0
بواسطة:
عادل حرب
المستشار مرتضى
يرجى وضع حد لهذه المهاترات حول اللاعب مصطفى فتحى فاللاعب خلوق ومن بيت طيب و نحن لا نصدق كل ما يثار عنه فهم يحاولون هدم موهبة الزمالك ومصر بتشتيت ذهن اللاعب وارباك الادارة يرجى اصدار بيان يـوضح كل الامور بصراحة من عقد اللاعب والشرط الجزائي ورغبة اللعب نفسه واخيرا نشكرك على كل ما تبذله فى النادى ووفقك الله
عدد الردود 0
بواسطة:
سعيد كامل
تعليق 1 ) الله ينور عليك
قلت كل اللى كنت عايز اقوله > مرتضى منصور عمل بالفعل فريق قوى ومرعب للزمالك > وياريته يهدى شويه ويبطل كلام وتصريحات وتدخلات ملهاش اى لازمه > ولازم يترك المسائل الفنيه للفريق ولا يتتدخل فيها اطلاقا > وكمان لازم مؤمن سليمان يستمر مع الزمالك لنهاية الموسم مهما كانت النتائج > لانه مدرب واعد والزمالك معاه حيحصد كل البطولات > ويكفى ان فريق سموحه القوى كان مرعوب من الزمالك ومن مؤمن سليمان بالذات وكان بيلعب زون دفنيس طوال ال 90 دقيقه > ولولا عدم التوفيق كان الزمالك فاز 3 / 0 على الاقل
عدد الردود 0
بواسطة:
Ayman
حرام
انا اهلاوي بس حرام لاعب في امكانيات مصطفي فتحي يلعب في الدوري المصري ... دة لازم يحترف وفي اسرع وقت وهو بمجهوده وتعبه ان شاء الله هيثبت نفسه وهيبقي في احسن اندية اوروبا ... ارحم الكورة المصرية يا عم مرتضي
عدد الردود 0
بواسطة:
على فهمى
يا عم مرتضى اهدى شويه وبلاش تصريحات عنتريه لا اساس لها من الصحه
هو فيه لاعب فى الدنيا يتعمد اضاعة اهداف عشان يحترف !!!!!!!!!!!!!!!! تيجى ازاى يا عم مرتضى ؟؟؟؟؟؟؟؟؟؟؟ ماتزعلش منى عشان دا كلام مش فى محله ................. لان اللى عايز يحترف بيكون حريص اكتر على استغلال كل الفرص للتألق واثبات الذات ......... كل اللى حصل مع مصطفى فتحى وزملاءه فى مباراة سموحه هو عدم توفيق ليس الا
عدد الردود 0
بواسطة:
zizo
من الاخر
لازم مرتضى منصور يعتذر عن تصريحاته المسيئه لمصطفى فتحى @ ده اذا كان بيحب الزمالك وخايف عليه بجد @ لان اللى قاله فى حق مصطفى فتحى يفقد اللاعب ثقته بنفسه وبالتالى ده حيأثر سلبا على مستواه الفنى وكمان على مستوى كل زملائه اللى هيحسوا بعدم الامان والاستقرار @ وهيخلى الاعلام الاحمر يستغل هذه السقطه لتدمير مصطفى فتحى وزملائه والزمالك
عدد الردود 0
بواسطة:
السيد عشرى
اتفق تماما مع تعليق 6
لابد من اعتذار المستشار مرتضى منصور ! الاعتذار من شيم الكبار ! والمستشار مرتضى كبير ! ومن مصلحته ومصلحة الزمالك لاعبين وجهاز فنى وجماهير ان يبادر فورا بالاعتذار عن تصريحاته ضد النجم المتألق مصطفى فتحى دون تأخير وقبل مباراة انبى الهامه يوم الاثنين ! حتى يبعد اللاعبون والجهاز الفنى عن كل الضغوط النفسيه والعصبيه ويشعرون بالراحه والامان
عدد الردود 0
بواسطة:
مشمش
الاعب مصاب بارهاق لانه لعب المباراه كامله وبذل مجهودا كبيرا فى ظل خطه مؤمن سليمان التعبانه
..