المتحدث الرسمي باسم وزارة الخارجية المستشار أحمد أبو زيد
مشاركة
أعرب المتحدث الرسمي باسم وزارة الخارجية المستشار أحمد أبو زيد، عن تضامن مصر الكامل مع حكومة وشعب دولة العراق الشقيقة، مع بدء معركة تحرير الموصل من قبضة تنظيم داعش الإرهابي، متمنياً نجاح العملية وتحقيق النصر المنشود .
وأكد المتحدث باسم الخارجية - فى بيان صحفى صباح اليوم الإثنين - على أن تنظيم داعش الإرهابي، ومن يتضامن معه أو يتبنى أيديولوجيته، وسائر التنظيمات الإرهابية المنتشرة فى مناطق عديدة من دول العالم، لا يمكن لها أن تصمد أو تجد ملاذا آمناً أمام إرادة الشعوب المحبة للسلام والاستقرار.
مشاركة
تم أضافة تعليقك سوف يظهر بعد المراجعة
عدد الردود 0
بواسطة:
م/محمد خالد الصفتي
خلوا بالكو
الدواعش لو اتغلبوا في الموصل حينتشروا كأفراد عاديين ويحلقوا دقونهم ويتسللوا في الدول المجاورة ومنها مصر.. تحياتي وتأييدي الكامل للعراق الشقيق في معركته ولكن احنا ولبنان والاردن مهددين بتسلل فلول داعش الينا في الشهور القادمة.لذا وجب التنبيه
عدد الردود 0
بواسطة:
مصرى
مع اعتراض مصر وشعبها ...!!!
.. مع اعتراض مصر وشعبها على دخول عصابات الحشد الشعبى الشيعى مدينة الموصل لأرتكابها مجازر سابقه لأهل السنه فى تكريت والفلوجه وصلاح الدين وحتى لا تتحول معركة تحرير الموصل الى حرب طائفيه شامله ...
عدد الردود 0
بواسطة:
موضوع حياه او موت ما ينفعش فيه الطبطبة على الكلجية وخريجي التكتك
الى رقم 1
عندك حق، وعشان كدة لازم ننسق امنيا ومخابراتيا مع لبنان والاردن وحتى ولاد العم ومعاهم حماس (للأسف بس لازم) عشان الدواعش لو تسللوا، دة حيكون عبر احدى هذه الدول المذكورة. اما عن الحدود الغربية، فلازم دعم حفتر بكل ما اوتينا من قوة لأن الحدود مع ليبيا مترامية وواسعة جدا ولازم تعاون مع روسيا عشان تعمل طلعات بطول الحدود الغربية وتدينا صور ستالايت يوميا. اما بقى عن ما هو ملح (اللي هو اكتر من "لازم") فيجب الاسراع في القضاء على تجمعات الارهابيين في سيناء ان شالله نعمل ايه، لأن دول هم الباب الخلفي الحقيقي لكلاب داعش. خونة بين ظهرانينا زمبقولوا! ولازم القضاء على الطابور الخامس اللي جوة مدننا من الاخوان والمتعاطفين وخريجي التكتك والكلجية واشباه الصحفيين ومثيري الشعب بحجة ان ما فيش فلوس وان الاسعار غالية وان وان وان الى آخر هذه المعزوفة من نشر الاخفاقات تمهيدا لما يتمنون من ثورة جارفة ستعتبرها داعش فرصة ذهبية للتغلغل في البلاد.. ربنا معاكي يا مصر.
عدد الردود 0
بواسطة:
الحاج نعمان السني
يا سنة، انتو فرحانين في ايه؟
الحشد الشعبي دي ميليشيات شيعية مدعومة من ايران وداخلة تستولي عالموصل برعاية امريكية - شكرا للمد الشيعي..
عدد الردود 0
بواسطة:
والله لو مليون داعش، ولا يهمنا ما دام الشعب مسلم ومسيحي ايد واحدة
يا رقم 3
ما تخافش لأن مصر مذكورة في القرآن والانجيل ولا يمكن ربنا يسيبها تقع. الخوف بس من ضياع الامل بين الناس. لأن هو دة خط الدفاع الاول والاخير ضد اي مكروه. لذا - ونحن في تلك الظروف الدقيقة التي وصفتها حضرتك بحياة او موت - لازم على الحكومة تغيير خطتها في رفع الدعم ومعلش نرجئ القرض والاصلاحات الصعبة سنة كمان ونرجع الدعم لا لشيء الا لتجنب اثارة الناس في الشارع - معلش ربنا عرفوه بالعقل، ما ينفعش تدوس بنزين وفرامل مع بعض - استنوا سنة ولا سنتين على قرض موجيريني، هو يعني حيطير؟ ورجعوا الدعم بلييييييييييييز عشان الاخوان والكلجية وبتوع التكتك، ما ينجحوش في مخططاتهم الشيطانية. انا قلت اللي ف ضميري عشان ربنا والوطن وانتو بقى حرين.
عدد الردود 0
بواسطة:
محمد كمال
يا رقم 3 انا معاك وكلامك صح
واضم صوتي لصوتك واقول للحكومة ومن فوقها ريسنا المحترم - المواطن المصري قبل اي حاجة اخويا واخوك عبد الفتاح السيسي - لو سمحت يا سيسي، نرجع الدعم تاني ولو سنة وننسى موضوع القرض دة سنةو احدة بس نشوف الغل الاخواني والداعشي والستة ابريلي وبتوع الدولة المشعارف ايه دة رايح على فين ونهدي الناس وبعد زوال الخطر الخارجي نتكلم - معلش عشان خاطر اخواتك برضه.. ياريس اخترناك وحنختارك تاني بس بلاش موضوع الدعم دة يا ريس، الناس مش قادرة في الشارع.. ياريس على رأي اللي كتبوا فوق، عايزين نفوت الفرصة على كلاب النار واهل الشر يصطادوا في المية العكرة بحجة الاسعار.. رجع الدعم يا ريس عشان الستات العجوزة والمريضة اللي في القرى والنجوع. عشان نعرف نودي ولادنا لمدارس. ربنا يحميك يا ريس سيسي
عدد الردود 0
بواسطة:
هدى راسم dokki cairo egypt
مناشدة الى الرئيس الخلوق عبد الفتاح السيسي
ياريس الست موجيريني دي بتماطل - واكاد اقول ان صندوق النكد دة جزء من مؤامرة تركيع مصر (هو مش امريكا فيه؟) هاتها من عندياتنا احنا ونرجئ اجراءات القرض ونرضي الشعب وحيهللولك الملايين بعودة دعم السلع - ودي اكبر صفعة للغرب فوق انها حماية من الفتنة التي بدأت تستيقظ...
عدد الردود 0
بواسطة:
الامن اولا
اللي فوق دول "اذكيا" قوي
ياعم - كل يغني على ليلاه - كل همك تشتري سومون فيميه ومارشمالو بأسعار تنافسية. ههههه. يا ابني انت وهي مش حينفع نرجع عن خطة الاصلاحات خلاص عربية وماشية بسرعتها. وانت يعني فاكر لو الريس سمع كلامكم الاسعار حترجع تاني؟ لازم تكمل، ما دام فتحت، لازم تكمل.. الحل الوحيد ضد داعش امني بحت ولا علاقة للدعم به. لازم تنسيق عسكري مع القوى في المنطقة وتشديد الرقابة على الحدود وتجييش الشعب والدعوة الى التعبئة العامة اذا لزم الامر - ما تشوفوا اسرائيل بتعمل ايه! في ثانية واحدة يبقوا كلهم جيش. ما حدش عبقري سأل نفسه اشمعنى داعش ما بتهددش اسرائيل (مع انها مفروض ايديولوجيا عدوها الاكبر)؟ عشان اسرائيل كدة: ايد واحدة وما بتهرجش امنيا.
عدد الردود 0
بواسطة:
الكابتن
الى رقم 7
تتكلم صعيدى تتكلم بحراوى خلى نصايحك لنفسك
عدد الردود 0
بواسطة:
مهندس / صلاح
داعش كيان هش فرع الاخوان
لو دخل عليهم العراقيين بهجوم جرىء وشامل سينتهوا من الوجود ،ونرتاح منهم .وسيكتشفون انهم كيان هش مثل إخوان الشيطان .