ياجزارين ليه غابت الرحمة
الناس تايهه والهموم زحمة
أسعاركم خلت الجيوب فحمة
العقل قال للمعدة بلاها لحمة
***
ياهلا بطبق فول كل صبحية
يخلينى أسد فى ليالى شتوية
فيتامين نشاط لغاية الفجرية
بالرضا والصبر حياتنا وردية
***
والعدس الله عليه طبق حبنا
ياحلاوة الفتة منه ومين زينا
وايام تعدى ونحمد فيها ربنا
رزقنا الأمن يديم علينا امننا
***
ياجزارين الغنى مش فلوس
الغنى بالرضا قناعة النفوس
الزباين تبقى عليكم هكسوس
تحل البركة من ربنا القدوس
***
أرشيفية
لا توجد تعليقات على الخبر
تم أضافة تعليقك سوف يظهر بعد المراجعة