بالفيديو.. مواطن يستغيث بالسيسى:"عائلة فى الصعيد طردونا من بيتنا وهيموتونا عشان شوية محارة"

استغاث المواطن محمد بكر بالرئيس عبد الفتاح السيسى، قائلا:"احمينا يا سيادة الرئيس.. أنا راجل غلبان من عائلة فى محافظة اسيوط.. كان عندى شوية شغل فى بيتى نقاشة ومحارة عملتهم من غير ما أجيب صنايعى.. وجيرانا عشان مجيبتش حد منهم يشتغل.. اتهجموا عليا أنا واخواتى وضربوا علينا نار وخلونا سيبنا البيوت بتاعتنا وطردونا نعيش فى الجبال.. ولما عرفوا مكانا هجموا علينا تانى وفضلوا يضربوا علينا نار وإحنا عزل.. ومن الافتراء بتاعهم أصابوا بعضيهم.. وكل الناس عارفة كدا والحمد لله طلعنا من القضية براءة".

وأضاف المواطن:"من ظُلمهم قالو لازم نضرب واحد عشان سمعتنا فى البلد.. والحكومة مش سائلة فينا.. وهما الوقت دايرين يلفوا علينا عشان يموتونا.. ومحدش من الشرطة عملنا حاجة.. نفسى رئيس الجمهورية يساعدنا عشان نرجع بيوتنا لعيالنا.. مش أنا بردوا مواطن مصرى وعايش فى البلد دى".