الأماكن كلها مشتاقة لك
والدمع إللى بعيونى جف لك
والحنين إللى بكيانى حن لك
والأنين إللى بقلبى داب منك
والمهجة لا تسرى بروحى غصب عنك
والليالى غاب قمرها بفراقك
والسنين مرت حزينة فى بعادك
والبلابل صامتة تسمع لكلامك
والنجوم سهرانة تحكى عن غيابك
وأنفاسى تحترق ولهانة بك
ومشاعرى زايدة لهفة ياروحى لك
وحياتى الساكنة لا تبى غير وصالك
والفرحة تيجى تضمنى معاد وصولك
وليالى الغربة تحلى فى وجودك
وكل شىء عندى هنا فى انتظارك
يا غربتى
نادى انيسى وبلغيه خيم ليالينا السهر
يا وحدتى
ناجى ونيسى وطمنيه زالت معانينا الخطر
يا فرقتى
هاتى نفيسى واخبريه فاقت أمانينا البشر
يا دمعتى
جايلى حبيبى كفاية دمع واحفظيله النظر
يا دنيتى
كل شىء جنبى هنا موجود معايا ينتظر
فى انتظارك
أنا والجناين والحدايق
والشجر
أنا والمداين والبوادى
والحضر
أنا والمزارع والفواكه
والخضر
أنا والنجوم والكواكب
والقمر
انا والثوانى والدقايق
والعمر
أنا والموج والشاطئ
والبحر
أنا والملايكه والجان
والبشر
أنا والطيور والبلابل
والصقر
أنا والمعانى والكلام
والعبر
أنا والخمايل والروابى
والنهر
أنا والواقع والخيال
والفكر
أنا والسحاب والرطوبة
والمطر
مره تانى
تانى مرة تمر مرة فى لحظة حلوة
والطيور حافظة كلامك كلمة كلمة
والهوا حاضن عبيرك عندى ذكرى
والسما شايفة مكانك لسه فاكرة
والقمر واخد ضياءك يضوى بكرة
والكواكب بتشاركنى أحلى سهرة
والأماكن كلها مشتاقالك على فكرة
تم أضافة تعليقك سوف يظهر بعد المراجعة