أحمد الغرباوى يكتب: خيـانـة حــــب..!

بتقولى: غصب عنى..
مش بإيدى..
قدرى.. ونصيبى..!
واللا بحبى..
كنتِ بتتسلى..!
,,,,,
بتقتلينى بقلم رصاص..
قـَرتها فِ عينيكِ..
وغـيرها كلام كتير
زىّ الرصاص..!
لا قادر أمسحه بأستيكه..!
ولا أقطع ورقته
مِ الكراس..!
,,,,,,
بتقولى غصب عنى..؟
مش بإيدى..!
قدرى.. ونصيبى..!
واللا بحبى..
كُنتِ بتتسلى..؟
,,,,,,
عارفة..
عارفة إنى أكتر مِ الحب
كنت بحبك..!
عارفة..
إن روحك عايشة
فِ ضلى..!
عارفة..
إن روحك دايبة
فِ جِلدى..!
اللى تحته..
نايم من زمان
عِشقك..!
واللى هوّا يا حبيبى
غطاك.. و
فرشك..!
طيب.. ليه..؟
ليه سِبتنى
كــل دَا أحبك..؟
أحبك..!
,,,,,
بتقولى: غصب عنى
مش بإيدى..
قدرى.. ونصيبى
واللا بحبى
كنت بِتتسلى..؟
,,,,,
عارفة..
عارفة إنى ح
أسامحك..!
عارفة إنى ما قدرش غير
غير إنى
أسامحك..!
ماقدرش ألوم روحى
حتى لو دبحتِ..!
ما قدرش ألوم روحى
حتى لو بِعـدت..!
ما أنت عارفة..
عارفة..
إنك روحى..
وفِ قلبى خدت
عمرى.. خدتيه وسكنتِ..!
ما أنت عارفة..
إنى أكتر مِ الحب..
ما حبتش غيرك
إنتِ..!
طيرى وعشى
أنتى..!
,,,,,
وبتقولى: غصب عنى
مش بإيدى..
قدرى.. ونصيبى
واللا بحبى
كنت بتتسلى..؟
,,,,,,
ليه .. حبيبتى
ليه..؟
تخلّى حـبك..
نهر مسافــر فى
جرحى..؟
ليه تخلّى حبك..
بحر مالح فى
دمعى..؟
ليه..
تخلّى حـبك..
ضعــفى.. و
ذنبى..!
ليه ..
النهاردة مش إمبارح..
قُـلتِ..
ليه..؟
ما قلتيش الكلام دا
وافترقنا بدرى..
بدرى..!
ليه..
إستنيتِ..
لما الحب يكبر
ويجرى و
دمى..!
إحساسى عمره ما
يخونّى..؟
فيه..
فيه واحد تانى
غيرى..؟
لا بَعـاتبك.. لابسألك..؟
ولا عاوز أعرف
هـوّا مين..؟
ولا إزَاى..؟
وليه.. هــوّا
اخترتِ..؟
اللى عارفة..
إن ما فيش حدَ..
فى أى يوم حبَك
أدَى..؟
ولا ح يحبك
زيى..؟
ولا ياحبيبتى..
ح يحبك.. أكتر
منى..؟
غير..
غير قلبى
قلبى..؟
,,,,,
مسامحك حبيبتى..
ومسامحك
حبى..؟
بسّ..
ياريت تقدرى
تكونى جـوّاه..
زىّ ما جوَاى
كُـنتِ..؟
وفى حضنه
تِبقى يا حبيبتى
إنتى..؟
مش واحدة تانية
زى ما أنا
غـيرتى..!
خايف عليكِ
تِفشلى..
ما تقدريش تبقى
إنتِ..؟
لو مقدرتيش.. و
فشلتِ..
تِبقى زى
ما عملتِ معايا
تِـبقى ياحبيبتى
خُنتِ..
خُنتى..!
,,,,,
وبتقولى: غصب عنى
مش بإيدى..
قدرى.. ونصيبى
واللا بحبى
كنت بتتسلى..؟
وبتتسلى
كُنتى..؟
*****