نشأت رشدى منصور يكتب من أستراليا: "يا ساقية"

الثلاثاء، 29 ديسمبر 2015 03:00 ص

سواقى الفيوم - أرشيفية

يا ساقية يا أم سبع جيوب
ومحلك المختار الفيوم
سبحانه من أبدعك
الرب القادر القيوم
يا ساقية
دورى دورى
وامليلنا القنانى
دا زرعنا عطشان
ونفوسنا مليانة بالأمانى
مش حنقولك كفاية
واحنا محتاجينلك
عن أى وقت تانى
يا ساقية
شدى حيلك
لجل وادينا يتملى بالخضرة
كبير وصغير بيدعيلك
ويطلب من صاحب القدرة
كل بذرة قوام تكبر
وتبقى أحلى شجرة
وكل زهرة قوام تفتح
وتبقى أحلى ثمرة
كل ده بفضلك
يا ساقية يزيد خيرك
ويعلى فى مقامك
مين لينا غيرك
والخير فى ركابك
يا ساقية دورى دورى