فيسبوك
واتساب
سألت نفسى مين أنا
ساكن هنا
تايه فى وسط الألسنة
عنوان سكوتهم مش أنا
لسه بجاوب من سنة
قالوا عايش وسطنا
تفاصيل حياتك تهمنا
لسه همومك فى دمنا
بس غريب عننا
طبعك ليه مش زينا
مش قادر تمد إيدك لينا
حتى ملامحك اتغيرت
الغربة فيك أثرت
راجع بشنطة سفر
جواها حكاوى ما تفسرت
جواها دموع باتت معايا
جواها حيرة فى دنيا
بتلعب للنهاية
جواها انا مش انا
جواها روح
خايفة تروح
بس بتسأل مين أنا
صورة أرشيفية
