وقالت رشا: "من وأنا عندى سنة و على مدار سنين عمرى اتعودت إنك بتعملى عيد ميلادى و نحتفل به وسط الأهل و نجوم مصر.. أو حتى أنا وأنت و صحابنا.. أول سنة السنة الغبرة دى ماسمعش صوتك و تعيد عليا.. أو ننزل نحب فى بعض فى عيد ميلادى و تدلعنى كعادتك.. أول مرة أحس بعدم أهمية عيد ميلادى و إنه ما لوش أى طعم و نكد.. وإن الأيام كلها زى بعضها مالهاش ملامح".
كما أضافت قائلة: "وحشتنى أوى يا حبيبى كان نفسى أجيلك البيت النهاردة و نقعد نتكلم و نضحك و أنقى لك لبسك و ناخد الواد أحمد و الواد خالد و نخرج سوا فى أى حتة أو أجيب الواد محمد و البت حبيبة و نطفى الشمع سوا عندك فى البيت ونغلس عليك و مانخليش حضرتك تنام". و تقعد تزعق فينا و تقول عايز أنام يا ولاد ال(تيت) طفوا النور.
واختتمت كلامها قائلة "شوفت قد إيه أنت سيبت فراغ من بعدك؟ الحياة مابقاش ليها معنى أو مفهوم من غيرك يا رب تكون سعيد و فى الجنة بتنعم بيها و يا رب تكون فاكرنا زى ما إحنا عمرنا ما هاننساك أبدًا.. بحبك".
تم أضافة تعليقك سوف يظهر بعد المراجعة