أنا منك واكمنك
كيانى نُقطة من ضِلك
تفرّحنى وتكويني
تعذبنى.. تدفينى
وادوق وِدّك.. وادوق ذُلّك
أنا هَدّعى عليك رَبي
تتوه جوايا وف حبى
ولو تظلمنى اغفرلك
أنا الحاجة اللى باقيالك
وأنا المخلوق علشانك
بتوب جواك وبتوضىَ
ولا لحظة الحنين هَدّىَ
وبتمنىَ يطوف اسمى
ولوٌ مرة على بالك
قليل قُربك بيحيينى
يعطشنى ويروينى
وأنا الشارد ف أحوالك
أنا خطوة ف مشوارك
وأنا الحاسس بأعذارك
وأنا القسوة وأنا الطيبة
وأخاف لو طالت الغيبة
ولا يكون قلبى مش جارك
حنان قلبك ماهوش عادى
وعينك ليا بتنادى
وخايف بس من نارك
وليك خِفه تهز الكون
وتسحرنى وأعيش مجنون
عيون تمنحنى بالقوة
ولا حوٌل ولا قوٌة
وطبعك قاسٍ بس حنون
ملامحك فيا منحوتة
وميت قصة وحدوتة
وسحرك ألف شكل ولون
ومين هيحب فيك قَدّى
ومين يعشق ومين يِدّى
وأنا المفتون بأوصافك
ومين زيى بعنيه شافك
ويفرح لما بتعدّى
ومين شغلاه تفاصيلك
ومين ف الهَمّ بيشيلك
وحُبك ليا صار وعدى
تم أضافة تعليقك سوف يظهر بعد المراجعة