نانسى سالم تكتب:وشوش

بنقابل كل يوم فى حياتنا كتير وشوش
منها وشوش كئيبة ومنها كتير بشوش
وشوش تديك أمان ووشوش تخدع تخون
وشوش مالهاش ملامح ووش ماتنسهوش

ووش يبتسم لك وفى الظهر يضرب شاكوش
ووش من بره أبيض ومن جوه يارب حوش
ووش من بره قاسى وقلبه أبيض حنون
........
وشوش كتير بريئة ووشوش كتير جريئة
ووشوش قاسية ولعينة ووشوش هادية وحزينة
ووشوش مليانة غيره ووشوش مليانة طيبة
.............
ووشوش بترسم ضحكة بتخبى الحزن فيها
ووشوش بترسم بسمة لوشوش تانية حزينة
.......................
وشوش تلبس وشوش ووشوش مالهاش وشوش
ووشوش تجرح فينا وشوش تعلم فينا ووشوش تغير فينا
...............
مظلوم يابن آدم مابين دى الوشوش
محتار تايه وخايف ماللى تداريه الوشوش

سيبك من ده كله ده كله كلام فشوش
زمان ياما قالوا لنا من عنوان الكتاب اللى جواه تشوف
اسمع منى أما أقولك الكام كلمة دول
صعب يكون للقلوب عنوان على الوشوش
ده ياما كتير نحاس وبالذهب مرشوش
وياما فى التراب الماس مابنشوفوش
ربك على كل لون خلق كتير وشوش
وقال يوم ماحاسب هحاسب عالقلوب