وبعدهالك يا دنيا
أخرتها معاكى إيه
حاطانى فى دماغك ليه
بنتعب ونعمل اللى علينا
وفى الآخر برضه تبكينا
تاعبانا دايما ليه
وليه تملى قاسية علينا
بنقاسى فى ليلنا ونهارنا
وجروح الغدر ماليانا
ولا مرة جيتى على هوانا
وكل يوم نقول
مسيرها تتعدل
بحلم بيوم
تحلى فيه وتروقى
وترجعيلى حقوقى
وكتير بنتمنى
نصبر ونستنى
ولا شيئ بيتحقق
والصبر آمده طال
والحال هواه الحال
عارفك عنيدة
بس أنا فى العند ماليش مثيل
ومش هاسيبك يا دنيا
غير لما توعدينى
تصلحيلى حالى
وتنسينى الهموم
والحزن تخديه منى
تديه لحد تانى
ما كفاية شبعت منه
وكفايه اللى جرالى
سامعانى يا دنيا فانية
سامعانى ما تكدبيش
راح اللى راح فى حياتى
و برضه قدرت أعيش
وتملى حامد ربى
والحزن ما هزنيش
واليأس ما همنيش
وآخر كلمة أقولها
أرجوكى ما تعنديش
وخليلى الجى يبقى
احسن منه
مافيش
صورة أرشيفية
لا توجد تعليقات على الخبر
تم أضافة تعليقك سوف يظهر بعد المراجعة