لابسة طاقية خوجة ف راسها
خايفة الشمس تجور ع الخد
لمعة عينها الله يحرسها
جنب حمارها تنادى بود
الفجل يا بيه واللفت ياست
معايا لمون م تنقى وعد
عايزة اتجوز مين هيساعد؟
مد جنيه من إيدك مد
خد لك خُضرة لحلة محشي
خس يا باشا لقوة يشد
بسمة منورة فوق شفايفها
ماسكة الدنيا صوابع يد
لمَّا الحلم ق قلبك يكبر
شد العزم معاك يشتد
خطوة بخطوة يقرب منَّك
تنسى الهم تفوق وبجد
واسأل ربك يرضى عليك
أتْبعْ سببك سببه يرد
أصل الرب ما يدى لخامل
يدى لعامل يسعى بجد
بائعة خضراوات - صورة أرشيفية
اضف تعليق
تم أضافة تعليقك سوف يظهر بعد المراجعة
عدد الردود 0
بواسطة:
هشام فؤاد
جميلة جدا
جميلة جدا واقعية و معاني جميلة و موعظة حسنة
عدد الردود 0
بواسطة:
غدير
مختلفه هي ورائعه
انتقاء جميل للكلمات
عدد الردود 0
بواسطة:
غدير
مختلفه هي ورائعه
انتقاء جميل للكلمات
عدد الردود 0
بواسطة:
سامح لطف الله
شكرا