فيسبوك
واتساب
مين تكون يا إللى عايز تدمر الحصون
مين تكون ؟
إنت فاكر مصر سهلة ولا لعبة
ولا بس كلمة من تلات حروف تكون
دى مصر شامة وعلامة فوق جبينا
وندفنه فى ترابها إللى يفكر يوم يخون
وكل من قال بحبك يا بلادى
ويقتل أخوه فى بلده ويعادى
والدم والقتل شايفه عادى
ده مش جنون
وربى كل من خانك هنمحيه من تاريخك
وزى ما يكون يكون
أنا شايف دموع أم الشهيد
وحاسس بنارها إللى بتقيد
بس وعد منى يا أم البلاد
هنخلى ليلها نهار ونارها نور
زى ما بنحلم وكانت على مر العصور
و عمرنا ما هنربط يوم سياستنا بدين
ولا هنفرق فى المحبه بين مينا أو حسين
كلنا فيها مولودين و على ترابها عايشين
وكل من حاول يبيعك ده مش أمين
أكيد أخرته هندفنه فالطين
ومين تكون يال عايز تدمر الحصون
مين تكون ؟
علم مصر
