إسراء عاطف عبد المنعم تكتب: عشمان

خسران دايمًا؟
ده عشان عشمان
موجوع جدًا؟
وكمان ندمان
فكرت كتير
ولا بتنفذ
ترجع ولا عارف تتنفس
دايمًا عايش وبتتوقع
أخرتها بترجع تتوجع
وخسارتك عادة متعادة
تفضل بتعافر كالعادة
واخسر أنا وحدى بزيادة
علشان عشمان من أحبابی
وبلاقی أمان ويا صحابی
ف بكون تعبان ما هو ده العادی
ف بقرر أعيش من غير تفكير
وبخزن وجعی ك سر ف بير
ف يبان ف ملامحی التكشيرة
وعيونی ماليها حزن ب حيرة
علی رغم ده كله الضحكة جنان
وف رسم الفرحة بكون فنان
وبوزع بسمة وأقول فرحان
وف قلبی بكون بالخوف مليان
من بكره وخيطنا اللی بيتشد
وجبال عماله تشيل وتهد
وف عز ألمنا م نشكی لحد
ف نصحتی من الآخر ليكوا
متحطوش الموج ف أيديكوا
الموج أوهام وكمان غدار
وبيسحب فجأة بدون أعذار
وساعتها تلاقی نفسك منهار