فيسبوك
واتساب
أكد النجم حسن الرداد أنه يميل لتقديم كل التصنيفات الفنية سواء كوميدى أو رومانسى أوغيرهما، موضحا أنه حريص على هذا الأمر منذ دراسته بالمعهد العالى للفنون المسرحية.
وقال الرداد في مداخلة هاتفية لتليفزيون اليوم السابع: "دراستى في معهد فنون مسرحية صعبة جدا.. دخول المعهد كمان كان صعب.. ودراستى فيه خلتنى حابب أعمل كل شئ.. أستاذ جلال الشرقاوى ودكتور سعد أردش ودكتور سناء شافع ودكتورسامى صلاح ودكتورة سميرة محسن ربنا يديها الصحة.. ناس عملوا مسرح وفن.. فطبعا كان دخول المعهد حلم كبير ليا فبحاول أقدم اللى أتعلمته".
وأضاف الرداد في تصريحاته: "حاولت أتأسس فى المعهد صح.. ودرست اللغة العربية، وقدرت اكتشف موهبتى وأعمل أنواع مختلفة من الدراما.. وطالما الحمد لله الناس بتتقبلنى في الكوميدى والدراما والرومانسى دى الحمد لله ميزة".
حسن الرداد: عايز أبص ألاقى نفسى بعمل حاجات متنوعة وحاجات مختلفة
وتابع الرداد حديثه قائلا: "أنا عملت فيلم "توأم روحى"، فبدأ كله يعمل رومانسى.. فيلم جميل بعديه عملت فيلم "تحت تهديد السلاح"، سايكو دراما.. نوعية الأفلام دى صعبة وتقيلة وبيكون فيه ريسك جامد.. ممكن الناس تبقى عايزة كوميدى أفضل.. بس أنا ما أقدرش إن أسيب نفسى لنوع واحد، خاصة إن أنا أقدر أعمل أكثر من نوع واحد من الأفلام، عايز أبص ألاقى نفسى بعمل حاجات متنوعة وحاجات مختلفة.
