محمود ياسين جونيور يحتفل بعيد ميلاد والدته آيات أباظة ويدعوا لها

نشر الفنان الشاب محمود ياسين جونيور، نجل المؤلف عمرو محمود ياسين، فيديو يرصد فيه مشاعر الحب والإنسانية، بمناسبة عيد ميلاد والدته الإعلامية آيات أباظة، وكتب محمود جونيور قائلا: يا حبيبتي يا أقوى وأحسن ست في الدنيا سنة بجد صعبة ووحشة إن نشوف أهم وأحلى حد في حياتنا في الموقف ده كل حاجة وحشة وانتي تعبانة كل حاجة ملهاش طعم البيت وانتي في المستشفى بجد مكنتش بحب أدخله ربنا يخاليكي لينا.. وفي كل تفصيلة في حياتنا اللي ملهاش طعم طول ما أنت مش مبسوطة اختبار صعب بس أنت كنتي قده علشان أنت أقوى ست في الدنيا بحبك يا أحلى أم وأقرب حد ليا وإن شاء الله ما تشوفيش سنة كدة تاني وكل اللي جاي فرحة وسعادة يا رب كل سنة وأنت أحلى حاجة في حياتنا.

ونشرت آيات أباظة عبر حسابها على "فيس بوك"، فيديو لأصدقائها وأسرتها وهم يوجّهون لها رسائل تهنئة مفاجئة بعيد ميلادها، معلقة عليه: "بقالي 8 شهور بمر بأصعب حاجة في حياتي مكنتش أتخيل إني ممكن أمر بيها، أصعب اختبار رحلة بالنسبة لي طويلة أوي ويارب تكمل على خير".

وتابعت: "أهم حاجة شوفتها طول الرحلة دي حب الناس والله والله مافيش حاجة في الدنيا أهم من حب الناس الفيديو ده أول فرحة فرحتها من 8 شهور أنا بشكر أهلي وزمايلي وأصحابي وجوزي وولادي ربنا يخليكم ليا أنتم اللي كنتم بتقوني وبتشجعوني، أنا من غيركم مكنتش عرفت أقاوم وأكمل".

وكانت آيات أباظة خضعت منذ 3 أسابيع لجراحة دقيقة لاستئصال ورم، وطمأنت جمهورها على حالتها من خلال تصريح سابق لليوم السابع، حيث قالت إنها الحمد لله بخير، وإنها خضعت لعملية جراحية دقيقة وناجحة، وإنها حاليا تتلقى العلاج اللازم، داعية الله أن يتم شفاءها على خير.

ووجهت آيات أباظة الشكر لكل من دعا لها ودعمها في أزمتها الصحية الأخيرة، مؤكدة أن كل الدعوات وصلت لها وأن الله منّ عليها بنجاح العملية الجراحية، وبإذن الله تعود مرة أخرى للشاشة في أقرب وقت.